2026-njy ýylyň 8-nji ýanwarynda Türkmenistanyň Daşary işler ministrliginiň Halkara gatnaşyklary institutynda Gündogaryň akyldary we nusgawy şahyry Magtymguly Pyragynyň rumyn diline terjime edilen goşgular ýygyndysynyň tanyşdyrylyş dabarasy geçirildi. Bu barada Türkmenistanyň DIM-niň web-saýtynda habar berilýär. 

Çärä Türkmenistanyň Daşary işler ministrliginiň ýolbaşçylary we işgärleri, ýurdumyzda akkreditirlenen diplomatik wekilhanalaryň hem-de halkara guramalarynyň wekilhanalarynyň ýolbaşçylary, Türkmenistanyň daşary ýurtlardaky diplomatik wekilhanalarynyň we konsullyk edaralarynyň ýolbaşçylary, institutynyň professor-mugallymlary we talyplary, şeýle hem köpçülikleýin habar beriş serişdeleriniň wekilleri gatnaşdylar.

Tanyşdyrylyş dabarasynyň dowamynda Türkmenistanyň Daşary işler ministriniň orunbasary Mähri Bäşimowanyň, Rumyniýanyň Türkmenistandaky Adatdan daşary we Doly ygtyýarly Ilçisi Ion Nawalyň, Türkmenistanyň Rumyniýadaky Adatdan daşary we Doly ygtyýarly Ilçisi Annamämmet Annaýewiň, Türkmenistanyň Daşary işler ministrliginiň Halkara gatnaşyklary institutynyň rektory Gülşat Ýusupowanyň, Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň uly ylmy işgäri Nargül Ataşewanyň hem-de Magtymguly adyndaky Türkmen döwlet uniwersitetiniň Türkmen edebiýaty kafedrasynyň mugallymy Läle Aşyrowanyň, Türkmenistanyň Daşary işler ministrliginiň Halkara gatnaşyklary institutynyň prorektory B.Mätliýewiň çykyşlary diňlenildi.

Tanyşdyrylyş dabarasynda çykyş edenler ýüzýyllyklardan soň hem bütin dünýäde beýik türkmen şahyry Magtymguly Pyragynyň döredijiligine uly gyzyklanma bildirilýändigini we meşhurlyk gazanmagyny dowam etdirýändigini bellediler. Türkmeniň akyldar şahyrynyň watançylygy, parahatçylygy, ynsanperwerligi, hoşniýetliligi, dostluk we doganlyk gatnaşyklaryny, özara ynanyşmagy we hormat goýmagy wasp edýän eserleriniň dürli dillerde neşir edilmegi olaryň häzirki wagtda has uly ähmiýete eýe bolýandygyny aýdyň görkezýär.

Döwletara gatnaşyklarynyň möhüm ugry hökmünde medeni-ynsanperwer ulgamy netijeli hyzmatdaşlygy çuňlaşdyrmak üçin berk esas döredýär. Şu nukdaýnazardan, bu ugurda halklaryň arasynda dostlukly gatnaşyklary ösdürmekde, şeýle hem rumyn halkyna beýik şahyryň döredijiligi bilen has çuňňur tanyşmak üçin giň mümkinçilik döretmekde Magtymguly Pyragynyň goşgularyny rumyn diline terjime etmegiň ähmiýeti nygtaldy.

Dabara gatnaşyjylar bu wakanyň Türkmenistan bilen Rumyniýanyň arasyndaky medeni-ynsanperwer gatnaşyklary pugtalandyrmaga kuwwatly itergi berjekdigine ynam bildirdiler, şeýle-de medeni mirasy, gadymy gymmatlyklary we milli sungaty wagyz etmekdäki ägirt uly ornuny belläp geçdiler.

Şu gün Söwda-senagat edarasynda Gulbaba adyndaky çagalar baýragynyň gowşurylyş dabarasy geçirildi. Bu baýrak bilen ýurdumyzyň zehinli çagalary — ders olimpiadalarynyň, zehin we döredijilik bäsleşikleriniň, sport ýaryşlarynyň ýeňijileri sylaglanylýar.

Türkmenistanyň Magtymguly adyndaky Ýaşlar guramasynyň Merkezi geňeşi we Bilim ministrligi tarapyndan guralýan, ýaş türkmenistanlylaryň arasynda uly meşhurlyga eýe bolan bu bäsleşik her ýyl Watanymyzyň ähli künjeginden 18 ýaşa ýetmedik zehinli çagalaryň ýüzlerçesini bir ýere jemleýär. Şu ýyl ýörite diplomlara we ýadygärlik sowgatlara bäsleşigiň 99 gatnaşyjysy hem-de 4 sany döredijilik topary — “Joşgun” tans topary, “Galkynyş” çeper okaýyş topary, “Jahan” döredijilik merkeziniň çagalar hory, Gurbanguly Berdimuhamedow adyndaky çagalar sagaldyş-dikeldiş merkeziniň çagalar bagynda terbiýelenýän körpeler mynasyp boldy.

Däp bolşy ýaly, bu bäsleşik gyşky dynç alyş möwsüminde, paýtagtymyzda Täze ýyl mynasybetli esasy dabaralaryň ýaýbaňlandyrylýan günlerinde geçirilýär. Bu ýyl bolsa Gulbaba adyndaky çagalar baýragyny gowşurmak dabarasy “Garaşsyz, baky Bitarap Türkmenistan — bedew batly at-myradyň mekany” şygary astynda geçýän täze — 2026-njy ýylyň çäreleri bilen utgaşyp, çagalara ruhubelentlik hem-de şatlyk bagyşlady. Döredijilik bäsleşigi her ýyl ýurdumyzdan köp sanly täze zehinleri ýüze çykarmaga mümkinçilik berýär. Olaryň birnäçesi çeper döredijilik bilen meşgullanyp, deň-duşlarynyň arasynda ykrar edilmäge mynasypdyr. Ýene birnäçeleriniň dürli bäsleşiklere gatnaşmakda ýeterlik tejribesi bar bolsa, başgalary mekdep olimpiadalarynyň, sport ýaryşlarynyň ýeňijileridir. Olaryň içinde iň tapawutlananlary bäsleşigiň döwlet tapgyryna gatnaşmaga hukuk gazanýarlar.

Häzirki wagtda Türkmenistan hemmetaraplaýyn sazlaşykly ösýän, ýaş nesilleriň iň arzyly arzuwlary hasyl bolýan bagtyýar çagalygyň ýurdy hökmünde giňden tanalýar. Munuň özi hormatly Prezidentimiziň beden taýdan sagdyn, ruhy-ahlak taýdan kämil ýaş nesli kemala getirmäge gönükdirilen syýasatynyň aýdyň netijesidir. Zehinli ýaşlar bolsa Garaşsyz, baky Bitarap Watanymyzyň beýik geljegidir. Umumymilli hem-de halkara derejeli döredijilik bäsleşikleriniň guralmagy, ýurdumyzyň çagalar-ýetginjekler toparlarynyň halkara bäsleşiklere we festiwallara yzygiderli gatnaşmagy olaryň döredijilikli pikirlenmegini hem-de çeperçilik ukyplaryny ösdürmäge ýardam berýär.

Mälim bolşy ýaly, bedenterbiýäni, sporty ösdürmek boýunça işler, oňa ýaşlary giňden çekmek döwlet Baştutanymyz tarapyndan yzygiderli üns merkezinde saklanylýan esasy ugur bolup durýar. Ýurdumyzda bedenterbiýe we Olimpiýa hereketi giňden wagyz edilip, halkara sport ýaryşlarynda Watanymyzyň abraýyny belende göterýän ýaş türgenleriň sany yzygiderli artýar. Geçen ýylyň dekabrynda döwlet Baştutanymyz Serdar Berdimuhamedow halkara sport ýaryşlarynda, ders bäsleşiklerinde baýrakly orunlara mynasyp bolan ýaşlara hem-de olaryň halypa mugallymlaryna, tälimçilerine sylaglary gowşurmak dabarasyna gatnaşdy. Munuň özi dünýäde ata Watanymyzyň abraýyny belende galdyrýan raýatlarymyzyň ýokary döwlet derejesinde sarpalanýandygynyň nobatdaky aýdyň güwäsine öwrüldi.

Arkadagly Gahryman Serdarymyzyň tagallalary çagalaryň abadançylygyny hem-de bagtyýarlygyny üpjün etmäge, olaryň ukyp-başarnyklaryny has-da kämilleşdirmekleri üçin ähli şertleri döretmäge, ilkinji nobatda, ýurdumyzyň geljegine ýokary jogapkärçilikli garaýan, onuň ösüşine goşant goşýan ogul-gyzlary terbiýelemäge gönükdirilendir. Ýaş nesliň sazlaşykly ösmegi üçin paýtagtymyzda, welaýat merkezlerinde, oba ýerlerinde döwrebap okuw tehnologiýalary, multimedia, interaktiw ulgamlar, döwrebap enjamlar bilen üpjün edilen häzirki zaman bilim edaralary, medeni, aň-bilim, döredijilik merkezleri guruldy we şeýle gurluşyklar häzirki wagtda hem dowam etdirilýär.

...Dabara gaýtalanmajak owazy bilen halkymyzyň aýdym-saz sungatynyň taryhynda öçmez yz goýan Gulbabanyň döredijilik mirasyna bagyşlanan wideoşekilleriň görkezilmegi bilen başlandy. Gysga ömri ýaşandygyna garamazdan, ol ussatlygyň ýokary derejesine ýetmek bilen, halkymyzyň söýgüsini gazanyp, milli aýdym-saz medeniýetiniň ösüşine uly goşant goşupdyr. Wideoşekillerde milli medeni mirasymyzda orun alan aýdymlar ýaňlandy.

Çärä gatnaşyjylaryň şowhunly el çarpyşmalary astynda dabaraly ýagdaýda ýeňijileriň atlary yglan edildi. Olara gymmat bahaly sowgatlar we diplomlar gowşuryldy. Ýaş zehinler geljekde ylym-bilim giňişliginde ýurdumyzy dünýä tanatjak, döredijilik üstünlikleri bilen sungaty täze derejä ýetirjek, sportda gazanan ýeňişleri bilen özlerini ykrar etdirjek nesillerdir. Olaryň ýaş kalby döretmäge, özlerini ykrar etdirmäge bolan hyjuwdan, gözellikden we hoşniýetlilikden doly. Gahryman Arkadagymyz we Arkadagly Gahryman Serdarymyz ýaş nesliň ata Watanymyzy çäksiz söýýän, ýaşululary hormatlaýan, pederlerimiziň ruhy-ahlak ýörelgelerini, halkymyzyň köpasyrlyk däp-dessurlaryny, mirasyny gorap saklaýan hakyky watansöýüjiler bolup ýetişmelidiklerini yzygiderli nygtaýarlar.

Asylly däbe görä, Täze ýyl baýramçylygynyň baş gahrymanlary bolan Aýaz baba we Garpamyk çagalary mynasyp bolan baýraklary bilen tüýs ýürekden gutladylar. Türkmen halk ertekileriniň gahrymanlaryny janlandyrýan çagalar dürli sahna çykyşlaryny görkezdiler. Gulbaba adyndaky çagalar baýragynyň ýeňijileriniň ýerine ýetiren aýdymlary ýaş nesilleriň şatlyk-şowhunyna beslenen dabara aýratyn öwüşgin çaýdy. Çagalar sungatyň dürli görnüşleri arkaly arzyly arzuwlaryň hasyl bolýan ýurdunda bagtyýar çagalygy wasp etdiler.

Bäsleşigiň ýeňijileri öz çykyşlarynda parahatçylygyň, bagtyýarlygyň mekany bolan ýurdumyzda okamaga, döredijilik we sport bilen meşgullanmaga döredýän giň mümkinçilikleri üçin hormatly Prezidentimize we Gahryman Arkadagymyza tüýs ýürekden çykýan hoşallyklaryny beýan etdiler.

Hormatly Prezidentimiz Serdar Berdimuhamedow Germaniýa Federatiw Respublikasynyň Federal Prezidenti Frank-Walter Ştaýnmaýere şanly 70 ýaş toýy mynasybetli, tüýs ýürekden gutlaglaryny we iň gowy arzuwlaryny iberdi.

“Ýurtlarymyzyň arasyndaky gatnaşyklar yzygiderli berkidilýär we mazmun taýdan baýlaşdyrylýar. Biz ikitaraplaýyn hyzmatdaşlygyň mundan beýläk-de ösdürilmegine hem-de täze sepgitlere ýetirilmegine uly ähmiýet berýäris” diýip, döwlet Baştutanymyz hatynda belleýär.

Hormatly Prezidentimiz ýakymly mümkinçilikden peýdalanyp, Federal Prezident Frank-Walter Ştaýnmaýere berk jan saglyk, bagtyýarlyk, Germaniýa Federatiw Respublikasynyň halkynyň abadançylygyna we gülläp ösmegine gönükdirilen ähli başlangyçlarynda uly üstünlikleri arzuw etdi.

Şu gün Arkadag şäheriniň häkimliginde 2026-njy ýylyň «Garaşsyz, baky Bitarap Türkmenistan – bedew batly at-myradyň mekany» diýlip atlandyrylmagy mynasybetli hem-de ýylyň nyşanynyň many-mazmunyny giňden wagyz etmek maksady bilen aýdym-sazly dabaraly maslahat geçirildi. Ol Gahryman Arkadagymyzyň we Arkadagly Gahryman Serdarymyzyň giň gerimli tagallalary netijesinde täze taryhy eýýamda ahalteke bedewiniň Türkmenistanyň esasy nyşanyna, döwürleriň we nesilleriň aýrylmaz arabaglanyşygynyň aýdyň alamatyna öwrülendigini ýüze çykardy.

Aýdym-sazly dabaraly maslahata Arkadag şäheriniň, ýurdumyzyň atçylyk pudagynyň ýolbaşçylary hem-de bu ugra ýöriteleşdirilen Aba Annaýew adyndaky Halkara atçylyk akademiýasynyň mugallymlary, pudagyň hünärmenleri, Türkmenistanyň Hormatly il ýaşulylary, döredijilik işgärleri, jemgyýetçilik guramalarynyň, köpçülikleýin habar beriş serişdeleriniň wekilleri, aýdym-saz sungatynyň ussatlary we talyp ýaşlar gatnaşdylar.

Dabaraly maslahat başlanmazdan öňürti, oňa gatnaşyjylar häkimligiň giň eýwanynda ýaýbaňlandyrylan sergini synladylar. Onda Arkadag şäheriniň gazananlaryna we ahalteke bedewleriniň gözelligi şekillendiriş we amaly-haşam sungatynyň eserlerinde, haly önümlerinde, zergärçilikde, fotosuratlarda çeper beýan edilen döredijilik işlerine uly orun berlipdir. Şeýle hem sergide ýyndam bedewlere birnäçe ajaýyp kitaplaryny, şol sanda “Ahalteke bedewi – biziň buýsanjymyz we şöhratymyz”, “Ganatly bedewler”, “Gadamy batly bedew”, “Atda wepa-da bar, sapa-da” ýaly we beýleki kitaplaryny bagyşlan türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Gurbanguly Berdimuhamedowyň eserlerinde bada-bat ünsüň eglenýär.

Soňra dabaraly maslahat başlanyp, onda çykyş edenler türkmen halkynyň Milli Lideri, Gahryman Arkadagymyzy we Arkadagly Gahryman Serdarymyzy hem-de dabaraly maslahata gatnaşyjylary we olaryň üsti bilen ähli halkymyzy täze, 2026-nji ýylyň başlanmagy hem-de bu ýylyň şygarynyň «Garaşsyz, baky Bitarap Türkmenistan – bedew batly at-myradyň mekany» diýlip atlandyrylmagy mynasybetli tüýs ýürekden çykýan gutlag sözlerini beýan etdiler.

Bellenilişi ýaly, ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi, halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.

Çykyşlarda hormatly Prezidentimiz Serdar Berdimuhamedowyň “Halkara parahatçylyk we ynanyşmak ýyly” diýen şygar bilen geçen 2025-nji ýylyň ahyrky Ministrler Kabinetiniň we Döwlet howpsuzlyk geňeşiniň giňişleýin mejlisinde Türkmenistanyň Mejlisiniň agzalarynyň halkymyz bilen bilelikde geljek ýylyň şygaryny hem-de nyşanyny teklip edendiklerini aýdyp, bu teklibi goldamak bilen 2026-njy ýylyň şygaryny «Garaşsyz, baky Bitarap Türkmenistan — bedew batly at-myradyň mekany» diýip yglan edendigine üns çekildi.

Şu mynasybetli Milli Liderimiz Gahryman Arkadagymyzyň hormatly Prezidentimizi türkmen halkynyň hem-de Türkmenistanyň Halk Maslahatynyň adyndan tüýs ýürekden gutlandygy barada bellenilip geçildi.

Çykyş edenler hormatly Prezidentimiz Serdar Berdimuhamedowyň türkmen halkyna Täze ýyl gutlagy bilen ýüzlenende hem bu ýylyň şygaryna ünsi çekendigini belläp, döwlet Baştutanymyzyň türkmen halkynyň öz arzuwlaryny, belent maksatlaryny ahalteke bedewleri bilen baglanyşdyrýandygyny, ahalteke bedewiniň – biziň buýsanjymyzdygyny, şöhratymyzdygyny aýdandygyny nygtadylar.

Şunuň bilen baglylykda, häzirki ajaýyp döwrümizde ýurdumyzyň ykdysadyýetinde ägirt uly özgerişler amala aşyryldy, durnukly ösüşiň binýady pugtalandyryldy. Älemi haýrana goýýan özgerişleriň, bedew batly ösüşleriň şöhratly eýýamynda — Berkarar döwletiň täze eýýamynyň Galkynyşy döwründe eziz Watanymyzda gazanylýan ösüşler ýurdumyzyň täze taryhyna altyn harplar bilen ýazylýar diýip, dabaraly maslahatda çykyş eden ýurdumyzyň meşhur döredijilik-sungat işgäri, Türkmenistanyň Gahrymany S.Babaýew hem-de Türkmenistanyň hormatly il ýaşulysy K.Täşliýew guwanç bilen nygtadylar.

Şeýle hem olaryň çykyşlarynda Gahryman Arkadagymyzyň ýygy-ýygydan ahalteke bedewleri bilen didarlaşyp durýandygy, olara atlanyp, bedewi çarpaýa galdyrmagynyň Türkmenistan Watanymyzyň belentliklere ymtylyşyny alamatlandyrýandygy buýsanç bilen nygtaldy. Bedewlere şeýle derejede erk etmek ussat çapyksuwarlara mahsusdyr, aty çarpaýa galdyryp, onuň üstünde mäkäm we ynamly oturmak diňe kämillere, dogumly kişilere we merdana adamlara başardýandyr diýip, çykyş edenler aýtdylar. Şoňa görä-de, Gahryman Arkadagymyzyň bedew üstündäki keşpleri şekillendirilen ajaýyp sungat eserleri hem peýda bolup, olar bu günki gün halkymyzyň gymmatly mirasyna öwrülýär.

Berkarar döwletiň täze eýýamynyň Galkynyşy döwründe bolsa bedewiň jylawyny Arkadagly Gahryman Serdarymyz ynamly gollara alyp, Watanymyzy taryhy ösüşleriniň täze tapgyryna alyp barýar. Ýurdumyzyň asudalygy, rahatlygy we diňe öňe tarap hereket etmegi ahalteke bedewine mahsus alamatlar bilen sazlaşykly utgaşýar. Bu bolsa dünýäniň häzirki çylşyrymly döwründe aýratyn möhümdir diýip, çykyş edenler aýtdylar.

Şeýle bolansoň 2026-njy ýylyň «Garaşsyz, baky Bitarap Türkmenistan – bedew batly at-myradyň mekany» diýlip atlandyrylmagy tüýs ýerine düşen ajaýyp çözgütdir. Bu ýylda hem ähli halkymyz bolup, Milli Liderimiziň we hormatly Prezidentimiziň daşyna agzybirlik bilen jebislikde nobatdaky belent ösüşlere bedew bady bilen ýetiljekdigine uly ynam bildirildi.

Dabaraly maslahatda täze ýylyň şygarynyň mazmuny hem-de bedewler hakdaky çykyşlar Milli Liderimiziň: “Biz bedewlerimiz bilen ýakynlygyň täsin filosofiýasyny döredýäris. Ol bolsa ýeňişdedir. Ýeňiş bolsa taplanmakdyr we kämilligiň menzilidir. Öňe, diňe ýeňiş üçin, il-halkyň mertebesine şöhrat getir, bedewim!” diýen ruhlandyryjy sözleri bilen ajaýyp sazlaşygy emele getirdi.

Çykyşlarda Arkadagly Gahryman Serdarymyzyň halkymyzyň durmuşynda uly orun eýeläp, tebigy gözelligi bilen bütin dünýäni haýrana goýýan, türkmen halkynyň göz guwanjy, uçar ganaty bolan ahalteke bedewlerimize çäksiz hormat-sarpa goýýandygy barada aýdylyp, hormatly Prezidentimiziň baştutanlygynda täze taryhy döwürde Arkadag şäherinde Aba Annaýew adyndaky Halkara atçylyk akademiýasynyň açylyp ulanmaga berilmeginiň, «Galkynyş» milli at üstündäki oýunlar toparynyň gazanýan halkara ýeňişleriniň türkmen atçylyk sungatynyň abraýyny has-da artdyrýandygy bellenildi.

Mälim bolşy ýaly, halkymyz ençeme maddy gymmatlyklary döreden, umumadamzat medeni hazynasyna uly goşant goşan halkdyr. Ahalteke atçylyk sungaty we atlary bezemek däpleriniň türkmen sungatynyň naýbaşy görnüşleriniň biri hökmünde ÝUNESKO-nyň Adamzadyň maddy däl medeni mirasynyň sanawyna girizilmegi milli we dünýä medeniýetiniň gudraty hasaplanýan ahalteke bedewleriniň dünýädäki at-abraýyny has-da şöhratlandyrdy diýip, çykyş edenler aýtdylar.

Döwlet Baştutanymyzyň taýsyz tagallalary netijesinde, beýik ösüşleri nazarlaýan ýurdumyzda ahalteke bedewleriniň şan-şöhraty belent derejelere göterilýär. Halkymyzyň arassa ganly behişdi bedewleri ajaýyp döwrümiziň gözelligine görk goşýan maddy hem ruhy baýlyk hasaplanýar. Ahalteke atlaryna «Asman atlary», «behişdi bedewler» diýlip mynasyp baha berilýär. Häzirki bagtyýar döwrümizde ahalteke bedewiniň buýsançly şekili Türkmenistanyň Döwlet tugrasynyň merkezinde orun alandyr. Bedew atlarymyz milletimiziň buýsanjy bolup Ýer ýüzüne ýaň salýar.

Çykyş edenler bular dogrusynda nygtap, hormatly Prezidentimiziň «Türkmenistanyň Bitaraplygy -- parahatçylygyň we ynanyşmagyň aýdyň ýoly» atly täze kitabynda beýan eden pikirlerine ünsi çekdiler.

Arkadagly Gahryman Serdarymyzyň şol täze kitabynda belleýşi ýaly, ahalteke bedewi, türkmen alabaýy diňe bir Türkmenistanyň milli baýlygy däl, eýsem, bütin dünýäniň medeni mirasy bolup durýar. Türkmen bedewi eziz Watanymyzyň döredijiligiň we ösüşiň täze belentliklerine okgunlylygynyň, milli mirasyň dowamatlylygynyň ajaýyp beýanyna, türkmen halkynyň döredijilik zehininiň aýdyň nyşanyna öwrüldi. Bu günki gün ahalteke bedewi ýurdumyzyň üstünlikleriniň belent nyşany, ata-babalarymyzyň amala aşan arzuwynyň wysalydyr. «At - myrat» diýen paýhasly jümläni döreden halkymyz nurana arzuwlaryny, beýik maksatlaryny bedewler bilen baglanyşdyrypdyr. Gözelligiň we kämilligiň naýbaşy nusgasy hökmünde ykrar edilen ahalteke bedewi Türkmenistanyň täze taryhy eýýamdaky okgunly ösüşleriniň baş nyşanyna öwrüldi.

Çykyş edenler her ýylyň şygarynyň we nyşanynyň yglan edilmeginiň öňde boljak möhüm wezipeleri beýan edýändigini, şol bir wagtda-da, Täze ýylyň şygarynyň «Garaşsyz, baky Bitarap Türkmenistan – bedew batly at-myradyň mekany» diýlip yglan edilmeginiň 2026-njy ýylyň Gündogar senenamasy boýunça ýylky, ýagny bedew ýyly bolup gelenligi bilen hem baglanyşyklydygyny aýratyn nygtadylar.

Şonuň üçinem 2026-njy ýylyň jemgyýetimiz, döwletimiz üçin belent sepgitleriň, uly taryhy ösüşleriň ýyly boljakdygyna ynanýan agzybir türkmen halkymyz Gahryman Arkadagymyzyň, Arkadagly Gahryman Serdarymyzyň taýsyz tagallalary bilen mynasyp atlandyrylan bu ýyla Garaşsyz Watanymyzyň gülläp ösmegine we halkymyzyň abadançylygyna, eşretli durmuşyna gönükdirilen işleri amala aşyrmak, Watanymyzyň beýik ösüşlerine mynasyp goşant goşmak üçin uly jogapkärçilik duýgusy bilen gadam goýdy. Bu bolsa 2026-njy ýylda-da geçen ýylda hem bolşy ýaly, Watanymyzda ajaýyp üstünlikleriň gazanylyp, täze belent sepgitlere ýetiljekdiginiň buşlukçysydyr diýip, çykyş edenler buýsanç bilen aýtdylar. Bu bolsa ýylyň şygaryndaky “bedew batly at-myradyň mekany” diýilmegi bilen hem örän sazlaşykly utgaşýar.

Aslynda halkymyz ahalteke bedewlerine belent sarpa goýýar. Atlar asyrlarboýy, «behişdi bedewlerine” buýsanýan türkmen halkynyň wepaly dosty, hemişelik hemrasy bolupdyr. Türkmenler ençeme asyrlaryň dowamynda ahalteke bedewlerine mähirlerini siňdirip, baş öwredipdirler. Olaryň ajaýyp sypatlaryny saklap kämilleşdiripdirler.

Bellenilişi ýaly, Milli Liderimiz Gahryman Arkadagymyz halkyň bedewlerine bolan söýgüsini ýüregine ýakyn tutup, ahalteke tohum atlarynyň abraý-şöhratyny artdyrmak, ata-babalarymyzyň atşynaslyk sungatyny ösdürip, dünýä ýüzünde giňden wagyz etmek baradaky aladany döwlet syýasatynyň derejesine çykardy. Netijede, ahalteke bedewleriniň dünýädäki abraýy barha belende göterilýär. Munuň ýekeje bir mysaly hökmünde Milli Liderimiziň tagallasy bilen döredilen “Galkynyş” milli at üstündäki oýunlar toparynyň geçen ýyl, mundan öňki ýyllarda hem birnäçe gezek bolşy ýaly, Monako Knýazlygynyň Monte-Karlo şäherinde geçirilen 47-nji halkara sirk sungaty festiwalynda ýeňiji bolup, toparyň agzalaryna birnäçe baýraklaryň gowşurylandygyny, bu ajaýyp wakanyň hormatyna bolsa Arkadag şäherinde giň gerimli uly dabaranyň guralandygyny görkezmek bolar.

Şeýle hem dabaraly maslahatda bellenilip geçilişi ýaly, ahalteke bedewi türkmen tebigatynyň we adamzadyň yhlasynyň döreden gudratydyr. Munuň özi 2026-njy -- Täze ýylymyzyň mazmunyny emele getirmek bilen türkmen halkynyň taryhynda we ruhy dessurynda ahalteke bedewiniň esasy orun eýeleýändigini äşgär edýär. Bu bolsa «Garaşsyz, baky Bitarap Türkmenistan – bedew batly at-myradyň mekany» diýlip yglan edilen ýylda has-da uly ähmiýete eýedir.

Şunuň bilen baglylykda, çykyş edenler 2026-njy ýylyň şygary mynasybetli ilkinji dabaraly maslahatyň Arkadag şäherinde geçirilýändigine oňa gatnaşyjylaryň ünsüni çekdiler. Ýylyň şygarynyň hormatyna ilkinji dabaraly maslahatyň dünýä meşhur behişdi bedewleriň watanynda—türkmen topragynyň ajaýyp künjekleriniň birinde gurlan täze Arkadag “akylly” şäherinde geçirilmeginde aýratyn many-mazmun bar. Bu ýerde Aba Annaýew adyndaky Halkara atçylyk akademiýasy ýerleşýär. Pudak üçin hünärmenleri taýýarlaýan bu ýokary okuw mekdebine meşhur seýis, zehinli atşynasyň ady dakyldy. Munuň özi tejribeli halypalara, öz işine wepaly ussatlara ýurdumyzda goýulýan belent sarpanyň subutnamasydyr diýip, çykyş edenelr aýtdylar.

Şoňa görä-de, bedew bady bilen ösüşleriň belentligine tarap ynamly gadam urýan berkarar Watanymyzyň dünýäni haýran galdyryjy galkynyşlaryny hem-de ähli ugurlarda gazanýan beýik ýeňişlerini dabaralandyrmak, diňe bir türkmen halkynyň däl, eýsem, bütin adamzadyň bahasyna ýetip bolmajak gymmatlygy bolan ahalteke bedewleriniň şöhratyny mundan beýläk-de beýgeltmek, eziz Watanymyzyň şan-şöhratyny we halkara abraýyny artdyrmak, ýaş nesli Garaşsyz, baky Bitarap Türkmenistana, milli mirasymyza çäksiz buýsanç, söýgi we hormat goýmak ruhunda terbiýelemek ugrunda möhüm wezipeleriň öňde durýandygyna üns çekildi. Şol wezipeleri berjaý etmekde Gahryman Arkadagymyzyň, Arkadagly Gahryman Serdarymyzyň hemişe-de ylymly-bilimli, işjeň adamlara uly ynam bildirýändigi, şol ynamy ödemegiň biziň her birimiziň möhüm borjumyzdygy barada aýdyp, çykyş edenler bu borjy berjaý etmekde ähli watandaşlarymyza uly üstünlikleri arzuw etdiler!

Gahryman Arkadagymyzyň giň gerimli özgertmelerini mynasyp dowam edýän Arkadagly Gahryman Serdarymyzyň janynyň hemişe sag, belent başynyň aman, röwşen ömrüniň uzak bolmagy, il-ýurt bähbitli, döwlet ähmiýetli işleriniň mundan beýläk-de uly üstünliklere we rowaçlyklara beslenmegi baradaky tüýs ýürekden çykýan arzuwly sözler çykyşlaryň ählisiniň içinden eriş-argaş bolup geçdi.

Medeniýet we sungat ussatlarynyň ýerine ýetiren çykyşlarynda täze taryhy eýýamda hormatly Prezidentimiz Serdar Berdimuhamedowyň baştutanlygynda durmuşa geçirilýän işleriň netijesinde berkarar Watanymyzyň bedew batly okgunly ösüşleri, şol ösüşlerde Milli Liderimiziň başlangyçlaryndan we binagärlik zehininden dörän täze Arkadag şäheriniň eýeleýän mynasyp orny, halkymyzyň agzybirligi we tutanýerli zähmeti bilen gazanylýan belent üstünlikler öz beýanyny tapdy.

Dabaraly maslahatyň ahrynda oňa gatnaşyjylar hormatly Prezidentimiz Serdar Berdimuhamedowyň adyna Ýüzlenme kabul etdiler.

«Garaşsyz, baky Bitarap Türkmenistan – bedew batly at-myradyň mekany» diýlip yglan edilen Täze ýylyň garşylanylýan pursatlary ýurdumyz üçin ýatda galyjy wakalara baý boldy. Täze ýylyň başlanýan çaglarynda paýtagtymyzdaky Enäniň we çaganyň saglygyny goraýyş ylmy-kliniki merkezinde nurana arzuwlara beslenip gelen ýylyň ilkinji perzendi dünýä indi.

Degişli lukmançylyk maglumatlaryna laýyklykda, Gaýypowlaryň maşgalasyna goşulan bäbejigiň saglyk ýagdaýy, özüni duýşy kanagatlanarly. Täze ýylyň ilkinji pursatlarynda doglan oglan bäbejigiň agramy 3 kilogram 100 gram we boýy 48 santimetr ölçeglerde bellige alyndy.

Atamyrat diýlip atlandyrylan bäbejigiň ata-eneleri häzirki döwürde ýurdumyzda ynsan saglygyny goramak, çagalaryň sazlaşykly ösüşini ýola goýmak ugrunda döwlet derejesinde edilýän alada üçin hormatly Prezidentimize we Gahryman Arkadagymyza alkyş sözlerini aýtdylar.

Şu ýylyň «Garaşsyz, baky Bitarap Türkmenistan – bedew batly at-myradyň mekany» diýlip atlandyrylmagy mynasybetli täze dünýä inen bäbejige dakylan adyň «At-myrat» diýen paýhasly jümle bilen utgaşýandygyny bellemek ýakymly.

Bäbejigiň dünýä inmegi mynasybetli bagtyýar maşgala hormatly Prezidentimiziň we Gahryman Arkadagymyzyň adyndan toý sowgatlary gowşuryldy. Şunda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat Gaznasynyň adyndan hem sowgatlar gowşuryldy.

Täze ýylyň ilkinji pursatlarynda ýurtda ilkinji bäbegi dünýä inen maşgala agzalary sowgatlar we hoşniýetli arzuwlar üçin Arkadagly Gahryman Serdarymyza we Gahryman Arkadagymyza tüýs ýürekden alkyş we hoşallyk sözlerini aýtdylar hem-de ynsanperwer ýörelgeleri esasy ugur edinýän Haýyr-sahawat gaznasynyň işine rowaçlyk arzuw etdiler.

Eziz watandaşlar!

2025-nji ýyl — Halkara parahatçylyk we ynanyşmak ýyly tamamlanyp barýar. Ýene az salymdan täze — 2026-njy ýyly garşylarys.

2026-njy ýyl — Gündogar müçenamasy boýunça ýylky, ýagny bedew ýyly. Türkmen halky öz arzuwlaryny, belent maksatlaryny ahalteke bedewleri bilen baglanyşdyrýar. Ahalteke bedewi biziň buýsanjymyzdyr, şöhratymyzdyr.

2025-nji ýyl Garaşsyz Watanymyzyň täze taryhynda halkymyzyň durmuşyny üstünliklere beslän ýyllaryň biri boldy. Bu ýyl türkmen halkynyň Milli Lideri Gahryman Arkadagymyzyň döwletli tutumlary, taryhy başlangyçlary has-da rowaçlandy. Ýurdumyzy gülledip ösdürmäge, halkymyzyň ýaşaýyş-durmuş derejesini has-da ýokarlandyrmaga gönükdirilen maksatnamalar üstünlikli durmuşa geçirildi.

Berkarar döwletimizi durmuş-ykdysady taýdan ösdürmek maksady bilen, täze etraplar döredildi. Diýarymyzyň ähli ýerlerinde döwrebap mekdepler, çagalar baglary, saglygy goraýyş, sport desgalary, medeniýet edaralary, önümçilik binalary, başga-da köp sanly desgalar ulanmaga berildi. Bagtyýar maşgalalaryň müňlerçesi täze jaýly bolmak bagtyna eýe boldy.

Ýangyç-energetika toplumyna degişli iri taslamalar durmuşa geçirildi. Türkmenbaşydaky nebiti gaýtadan işleýän zawodlar toplumynyň nebit we nebit önümleri guýulýan gämi duralgasy işe girizildi. Gahryman Arkadagymyzyň gatnaşmagynda Türkmenistan — Owganystan — Pakistan — Hindistan gaz geçirijisiniň esasy tapgyry bolan Arkadagyň ak ýoly bilen Serhetabat — Hyrat gaz geçirijisiniň Owganystanyň Hyrat welaýatyna barýan böleginiň gurluşygyna badalga berildi.

Ahal welaýatynyň Bäherden etrabynda Bäherden keramiki önümler kärhanasy, paýtagtymyzda çüýşe önümlerini öndürýän kärhana, Balkan welaýatynyň Esenguly etrabynda agyz suw arassalaýjy desga, Garabogazköl aýlagynyň üstünden geçýän awtomobil köprüsi ulanmaga berildi. Lebap welaýatynyň Türkmenabat şäherindäki himiýa zawodynda mineral dökünleri öndürýän toplumyň, Balkan welaýatynyň Türkmenbaşy etrabynda karbamid öndürýän toplumyň gurluşygyna badalga berildi. Türkmenbaşy — Garabogaz — Gazagystan serhedi awtomobil ýolunyň gurluşygyna hem girişildi. Şeýle hem Aşgabat şäherinde «Güneşli» çagalar we ýetginjekler merkeziniň gurluşygyna badalga berildi.

Şu ýyl ýurdumyzyň Ahal welaýatynyň Ak bugdaý etrabynda Döwletli mekan, Kaka etrabynda Bagtly zamana atly täze, döwrebap obalar açylyp ulanmaga berildi. Daşoguz welaýatynyň Köneürgenç etrabynda häzirki zaman Bitaraplyk şäherçesi dabaraly ýagdaýda açyldy. Arkadag şäheriniň ikinji tapgyrynyň gurluşygy dowam etdirildi. Ýurdumyzda döwrebap obalaryň, häzirki zaman ýaşaýyş jaýlarynyň gurluşygy hem dowam edýär. Bularyň ählisi «Watan diňe halky bilen Watandyr! Döwlet diňe halky bilen döwletdir!» diýen şygarymyzyň üstünlikli durmuşa geçirilýändigini görkezýär.

Eziz watandaşlar!

Oba hojalyk pudagynda geçirýän özgertmelerimiz hem rowaçlyklara beslenýär. Edermen daýhanlarymyz Watan harmanyna 1 million 400 müň tonnadan gowrak ýokary hilli bugdaý hasylyny tabşyryp, şertnamalaýyn borçnamany üstünlikli ýerine ýetirdiler. Ýygnalan bol galla hasyly mähriban halkymyzyň, berkarar Watanymyzyň baýlygydyr, saçaklarymyzyň rysgal-berekedidir. Geljekde hem oba zähmetkeşlerini ykdysady taýdan höweslendirmek, pudagyň maddy-enjamlaýyn binýadyny berkitmek boýunça netijeli çäreleri durmuşa geçireris.

Ýurdumyzyň nebitgaz, ulag-aragatnaşyk we söwda toplumlarynda hem köp işler amala aşyrylýar. Bu toplumlar berkarar döwletimiziň gazanýan ösüşlerine mynasyp goşant goşýarlar.

Eziz watandaşlar!

Halkymyzyň saglygy, abadan we bagtyýar durmuşy biziň alyp barýan döwlet syýasatymyzyň möhüm ugry bolup durýar. Tamamlanyp barýan ýylda Aşgabat şäherinde köpugurly hassahananyň, Ahal welaýatynyň Tejen şäherinde köpugurly hassahananyň, şeýle hem Daşoguz welaýatynyň Daşoguz şäherinde Enäniň we çaganyň saglygyny goraýyş merkeziniň gurluşygyna badalga berildi. Ynsan saglygyny goramak boýunça alyp barýan işlerimizi geljekde hem dowam etdireris.

Ylym we bilim ulgamlarynda hem netijeli özgertmeler durmuşa geçirildi. Türkmenistanyň Döwlet energetika institutynyň döwrebap okuw binalar toplumy, Halkara senagatçylar we telekeçiler uniwersitetiniň binalar toplumy we başga-da köp sanly bilim maksatly desgalar açylyp ulanmaga berildi.

Ýaş nesillerimizi sport bilen meşgullanmaga giňden çekmek, ýurdumyzyň halkara sport abraýyny has-da belende götermek ugrunda hem uly işleri alyp barýarys. Şu ýyl «Galkynyş» milli at üstündäki oýunlar topary Monte-Karlo halkara festiwalynda baş baýraga mynasyp boldy. «Arkadag» futbol topary hem halkara ýaryşda ýeňiş gazanyp, ýurdumyzyň halkara sport abraýyny has-da artdyrdy. Türgenlerimiz dünýä derejesindäki ýaryşlarda üstünlikli çykyş edip, baýrakly orunlara mynasyp boldular. Biz geljekde hem ýurdumyzda sporty ösdürmek boýunça alyp barýan işlerimizi dowam etdireris.

Hormatly adamlar!

Biz milli medeniýetimizi ösdürmek, mirasymyzy gorap saklamak, wagyz etmek boýunça hem giň gerimli işleri alyp barýarys. Halkara parahatçylyk we ynanyşmak ýylynda Aşgabat şäheri ÝUNESKO-nyň öwreniji şäherleriniň bütindünýä toruna girizildi. Şeýle hem türkmen alabaý itlerini ösdürip ýetişdirmek däpleri ÝUNESKO-nyň Adamzadyň maddy däl medeni mirasynyň sanawyna girizildi. Geçip barýan ýylda halkara derejede dürli medeni çäreler, Medeniýet günleri yzygiderli geçirildi. Geljek ýyl Medeniýet hepdeligini Balkan welaýatynda ýokary derejede geçireris.

Eziz watandaşlar!

Şu ýyl ýurdumyzyň başlangyjy bilen Birleşen Milletler Guramasynyň Baş Assambleýasy tarapyndan «Türkmenistanyň hemişelik Bitaraplygy» atly Kararnama biragyzdan kabul edildi. Munuň özi Bitaraplyk syýasatymyzyň mynasyp dowam etdirilýändigini ýene-de bir gezek görkezdi.

Halkara parahatçylyk we ynanyşmak ýyly hem-de ýurdumyzyň hemişelik Bitaraplygynyň 30 ýyllygy mynasybetli halkara derejede köp sanly çäreler geçirildi. «Awaza» milli syýahatçylyk zolagynda Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahaty ýokary derejede geçirildi. Bu ugurda Birleşen Milletler Guramasynyň Baş Assambleýasy tarapyndan «Awaza syýasy Jarnamasy» atly Kararnama biragyzdan kabul edildi. Şeýle hem ýurdumyzyň başlangyjy bilen Birleşen Milletler Guramasynyň Baş Assambleýasy tarapyndan «Birleşen Milletler Guramasynyň Durnukly ulag boýunça onýyllygy (2026 — 2035-nji ýyllar)» hem-de «Durnukly ösüşi üpjün etmekde ygtybarly we durnukly energiýa birikmesiniň esasy orny» atly Kararnamalar biragyzdan kabul edildi.

«Awaza» milli syýahatçylyk zolagynda geçirilen «Häzirki zaman jemgyýetinde zenanlaryň orny: Durnukly ösüş maksatlaryna ýetmek ugrunda halkara hyzmatdaşlygy ösdürmek» atly halkara maslahat hem möhüm ähmiýete eýe boldy. Halkara maslahatyň jemi boýunça jemleýji resminama kabul edildi. Halkara Bitaraplyk güni mynasybetli geçirilen halkara forum şanly ýylyň iň esasy wakasyna öwrüldi. Ýokary derejede geçirilen halkara forum boýunça Aşgabat Jarnamasy kabul edildi. Bu forum parahatçylyk söýüji döwlet hökmünde ýurdumyzyň abraýyny has-da belende göterdi.

Hormatly adamlar!

Ata Watanymyzy mundan beýläk-de ösdürmek maksady bilen, biz ýetip gelen 2026-njy ýyla «Garaşsyz, baky Bitarap Türkmenistan — bedew batly at-myradyň mekany» ýyly diýip at berdik. Hoşniýetli arzuw-umytlar bilen garşy alýan täze ýylymyzda mukaddes Garaşsyzlygymyzyň şanly 35 ýyllygyny belläp geçeris. Watanymyzy bagtyýarlygyň we rowaçlygyň mekanyna öwürmek ugrunda yhlas bilen zähmet çekeris.

Eziz watandaşlar!

Ýene az salymdan täze — 2026-njy ýyly garşy alarys. Şu pursatda siziň ähliňize berk jan saglygyny we täze üstünlikleri arzuw edýärin.

Täze ýyl abadançylygyň, rysgal-berekediň ýyly bolsun! Maşgala ojaklaryňyza agzybirlik, döwletlilik ýar bolsun!

Täze ýyl rowaçlyk, bagt getirsin!

Täze ýyl bedew bady bilen ähliňizi maksat-myrada ýetirsin!

Täze — 2026-njy ýylyňyz gutly bolsun!

Iň garaşylýan gyş baýramynyň öňüsyrasynda Magtymguly adyndaky milli sazly drama teatrynda Tahyr Ataýewiň ýolbaşçylygyndaky kirişli saz gurallary orkestriniň konserti boldy.

Täze ýyl ertekisi myhmanlary eýýäm teatryň eýwanynda garşylady. Özboluşly bezelen giňişlik — ýyly kamin, bezelen arçalar we ýaldyrawuk gar tozgalary ýetip gelýän baýramçylyk duýgusyny döretdi.

Konsert başlamazyndan ozal, dirižýor tomaşaçylary gutlap, Täze ýyly ruhubelentlikde we çagalygymyzdan bäri söýüp diňleýän aýdymlarymyz bilen garşylamagynyň has ýakymlydygyny belledi.

Türkmenistanyň at gazanan artisti Selbi Annadurdyýewa, zehinli ýerine ýetirijiler Bahar Durdyýewa we Arslan Aganyýazow Täze ýyl hem-de Roždestwo aýdymlaryny ussatlyk bilen ýerine ýetirip, tomaşaçylara unudylmaz sazly pursady peşgeş berdiler. Çagalar we ulular horlarynyň çykyşlary aýratyn täsirli boldy. Saksofonçy Şirhan Batyrowyň meşhur saz kompozisiýalaryny ýokary ussatlyk bilen ýerine ýetirmegi bolsa tomaşaçylaryň uly höwesini döretdi.

Maksatnamada «Last Christmas», «Happy New Year», «Jingle Bells» ýaly köpçüligiň söýgüli heňleri ýaňlandy. Şeýle-de «Три белых коня» («Üç sany ak at»), «Кабы не было зимы» («Eger gyş bolmadyk bolsa») we «Звенит январская вьюга» («Ýanwar aýynyň syrgyny ses edýär») ýaly aýdymlar şatlyk-şowhuny has-da artdyrdy. «Опять метель» («Ýene-de boran») kompozisiýasy bolsa agşama ümsümligiň öwüşginini goşdy. «Иван Васильевич меняет профессию» («Iwan Wasilýewiç kärini çalyşýar») filminden «Разговор со счастьем» («Bagt bilen gürrüň») aýdymy tomaşaçylaryň şowhunly el çarpyşmalary bilen garşylandy.

Agşamyň iň tolgundyryjy pursady «Карнавальная ночь» («Karnawal gijesi») kinofilmindäki «Пять минут» («Bäş minut») aýdymy boldy. Bu aýdym ýerine ýetirilýän wagty Täze ýyl gümpüldewaçlarynyň sesleri baýramçylyk ruhuny has-da belende göterdi.

Täze ýylyň öňüsyrasynda geçirilen konsert örän şowly boldy. Tomaşaçylar artistlere hoşallyk bildirip, dowamly el çarpyşmalar bilen sylagladylar. Toparyň köp sanly janköýerleri üçin şeýle mähirli agşamlar eýýäm asylly däbe öwrüldi.

Swetlana Çirsowa

Tamamlanyp barýan Halkara parahatçylyk we ynanyşmak ýylynda hemişelik Bitaraplygymyzyň şöhratly 30 ýyllyk taryhy senesini ajaýyp dabaralara, şanly wakalara beslän halkymyz ýetip gelýän Täze ýyl baýramyna uly şatlyk-şowhun, ýagşydan-ýagşy arzuw-umytlar bilen taýýarlyk görýärler. Çünki, buýsançly garşylanýan Täze ýyl baýramynda bereketli saçaklary giňden ýazmak, gelen myhmana hödür-kerem etmek döwletli ilimiziň mukaddes däp-dessurlarynyň, ata-baba gelýän asylly ýörelgeleriniň biridir.

Türkmen halkynyň Milli Lideri Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň durmuş ugurly syýasatyndan göwünleri galkynýan ildeşlerimiz hem Berkarar döwletiň täze eýýamynyň Galkynyşy döwrüni guwandyryjy üstünliklere, taryhy ähmiýetli ýatda galyjy pursatlara besleýärler. Bu bolsa 2026-njy, Täze ýylda ojaklarymyzyň abadan, rysgal-bereketli, toý-baýramly bolmagy baradaky ýagşy umyt-arzuwlarymyzdan gözbaş alýar. Geljek ýylymyzyň Gündogar müçenamasy esasynda ýylky ýyly hökmünde taryha girýänligi at ýylynyň adyna mynasyp derejede bedew batly ösüşlere eýe boljakdygyna şaýatlyk edýär.

Şeýle mizemez hakykatam ählihalk baýramyna ýokary derejede taýýarlykly barýan Günbatar sebitiň agzybir ilatynda-da guwanç, buýsanç duýgularyny döredýär. Munuň şeýledigine Balkan welaýatynyň etraplarydyr şäherlerindäki söwda nokatlarynda, ak bazarlarynda, göçme ýarmarkalarynda giň gerimde ýaýbaňlandyrylýan dürli görnüşli azyk önümleriniň, sowgatlyk harytlaryň bolçulygam güwä geçýär. Türkmenistanyň Söwda we daşary ykdysady aragatnaşyklar ministrliginiň Balkan welaýat alyjylar jemgyýetleriniň birleşiginiň müdiriýeti tarapyndan ilata döwrebap derejede guralýan baýramçylyk söwda hyzmatlaram aýratyn bellenilmäge mynasypdyr. Baýramçylyk saçaklarymyza bereket bolup dolýan islegli, arzyly önümleriň, harytlaryň ýurdumyzda öndürilýänligi hem guwandyryjy hakykatdyr. Şu babatda hususy önüm öndürijileriň, hemişe gözlegde bolýan telekeçileriň, söwda işgärleriniň gazanýan üstünlikleri guwançly bellenilmäge degişlidir. Şeýle-de olar toý-baýramly, rysgal-döwletli ýyllaryň birine öwrülip, şöhratly taryhymyzda mynasyp orun alan Halkara parahatçylyk we ynanyşmak ýylyny üstünlikli jemleýärler.

Şu günlerde bolsa Günbatar sebitiň ýaşaýjylaryny ter gök-bakja önümleri, datly miwelerdir ir-iýmişler, süýjilikler, şerbetler, şeýle-de baýramçylyga degişli sowgatlar bilen üpjün etmekde toplumlaýyn çäreler amala aşyrylýar. Welaýat merkezindäki, etrap-şäherlerdäki köpugurly söwda bazarlarynda, nokatlarynda azyk önümleriniň, gülleriň, sowgatlyk harytlaryň, Täze ýyl arçalarynyň ýaraşykly nusgalarynyň, köp öwüşginli bezeg serişdeleriniň elýeterli nyrhlardaky söwdalaram giňden ýaýbaňlandyrylýar. Hut şu ýagdaýyň özem şanly baýrama ählitaraplaýyn taýýarlyklar görýän balkanly ildeşlerimiziň söýgi-buýsançlaryny hasam artdyrýar. 

Welaýatyň ýaşaýjylary amatly bahalardan hödürlenýän maldarçylyk, guş, balyk we beýleki önümleri, ýumurtga, süýt, çörek hem-de olardan taýýarlanýan azyklyk önümlerini hem uly höwes bilen satyn alýarlar. Juda ýaraşykly, owadan gaplara gaplanan baýramçylyk sowgatlaram, güllerem müşderileriň ösen isleglerine laýyk gelýär. Söwda nokatlarynyň tekjeleriniň bezegine öwrülen dürli görnüşli önümler, şonuň ýaly-da edermen daýhanlaryň, mülkdarlaryň, ýer eýeleriniň bereketli Balkan topragynda ösdürip ýetişdiren ak bugdaýynyň unundan, dünýä belli pagta süýüminden taýýarlanylan önümler, hil nyşanly harytlar, üýtgeşik nygmatlar, Täze ýyl arçalarynyň bezeg serişdelerem buýsanç bilen alynýar.

Ýeri gelende aýtsak, ak bazarlaryň, söwda nokatlarynyň, ýarmarkalaryň dürli önümlerdir harytlara baýlygy Berkarar döwletimizdäki bolçulygyň, rysgal-berekediň, bagtyýarlygyň ajaýyp nyşanydyr. Taryhy eýýamymyzda döredip berlen hemmetaraplaýyn giň şertlerdir mümkinçilikler üçinem bagtyýar ýaşaýjylar Gahryman Arkadagymyza we Arkadagly Gahryman Serdarymyza egsilmez alkyş, hoşallyk sözlerini aýdyp, toýlarymyzyň toýlara, baýramlarymyzyň baýramlara ulaşmagyny arzuwlaýarlar.

Gurbanmyrat Tuwakow

Şu gün hormatly Prezidentimiz Serdar Berdimuhamedow Russiýa Federasiýasyna iş saparynyň çäklerinde Garaşsyz Döwletleriň Arkalaşygyna gatnaşyjy ýurtlaryň döwlet Baştutanlarynyň ýokary derejeli resmi däl duşuşygyna gatnaşdy.

Hemişelik Bitarap Türkmenistan Garaşsyz Döwletleriň Arkalaşygynyň assosirlenen agzasy bolmak bilen, Arkalaşygyň çäklerinde giň möçberli energetika we logistika taslamalaryny durmuşa geçirip, özara bähbitli ykdysady hyzmatdaşlygy pugtalandyrýar. Ýurdumyz GDA-nyň giňişliginde ulag-kommunikasiýa arabaglanyşygyna aýratyn üns berýär. Bütindünýä durnukly ulag gününi yglan etmek baradaky başlangyjy öňe süren ýurt hökmünde Türkmenistan Arkalaşygyň ýurtlarynyň çäklerinden geçýän Demirgazyk — Günorta, Gündogar — Günbatar ulag geçelgelerini ösdürmek ugrunda çykyş edýär. Türkmenistanyň Hazar deňzi sebitini kuwwatly ulag merkezine öwürmek boýunça başlangyçlary dostlukly döwletleriň arasynda söwda gatnaşyklaryny pugtalandyrmaga, harytlary Günorta Aziýanyň we Ýewropanyň bazarlaryna çykarmaga ýardam berýär.

Ynsanperwer we ekologiýa ulgamlary hem Türkmenistanyň GDA-nyň çäklerindäki gün tertibinde möhüm orny eýeleýär. Ýurdumyz Aral meselesini çözmäge işjeň gatnaşyp, «ýaşyl» diplomatiýa, howanyň üýtgemegine uýgunlaşmak bilen bagly başlangyçlary öňe sürýär. Türkmenistanyň şäherleriniň birnäçe gezek «Arkalaşygyň medeni paýtagty» diýlip yglan edilmegi bolsa Türkmenistanyň özara hormat goýmak, umumy taryhy mirasy gorap saklamak arkaly halklaryň arasyndaky dostlugy pugtalandyrýandygyny, medeniýetara dialoga açykdygyny görkezýär.

Türkmenistan bilen Russiýa Federasiýasynyň arasyndaky gatnaşyklar özara hormat goýmak we köpasyrlyk dostluk ýörelgelerine esaslanýan strategik hyzmatdaşlygyň aýdyň nusgasydyr. Türkmenistanyň hemişelik Bitaraplygynyň 30 ýyllygy dabaraly bellenilýän 2025-nji ýylda ikitaraplaýyn dialog hil taýdan täze derejä çykaryldy. Halkara parahatçylyk we ynanyşmak forumyna gatnaşmak maksady bilen, Russiýanyň Prezidenti Wladimir Putiniň ýurdumyza amala aşyran sapary iki ýurduň hem özara hyzmatdaşlygy çuňlaşdyrmaga ygrarlydygyny tassyklan ähmiýetli waka boldy.

Söwda-ykdysady ulgam ikitaraplaýyn hyzmatdaşlygyň binýady bolup çykyş edýär. Häzirki wagtda özara haryt dolanyşygynyň yzygiderli artmagy munuň aýdyň mysalydyr. Ulag-logistika hyzmatdaşlygy hem strategik ähmiýete eýe. Demirgazyk — Günorta halkara ulag geçelgesiniň ugrunda ýerleşýän ýurdumyz bu günki gün Ýewraziýanyň üstaşyr ulag merkezine öwrülýär. Demir ýol infrastrukturasyny ösdürmek, logistikany sanlylaşdyrmak, Türkmenbaşy Halkara deňiz portunyň kuwwatlyklaryny giňeltmek boýunça bilelikdäki tagallalar GDA ýurtlaryna Hind ummany we Pars aýlagy ýurtlarynyň bazarlaryna çykmaga mümkinçilik berýär. Bu hyzmatdaşlyk sebitiň geografik artykmaçlyklaryny ykdysady abadançylygyň anyk guralyna öwürýär. Ynsanperwer ulgamdaky hyzmatdaşlyk iki ýurduň halklaryny birleşdirýän köpri bolup hyzmat edýär. Şunda ylym we bilim ulgamlaryna aýratyn orun degişlidir.

Türkmenistan bilen Russiýanyň arasyndaky syýasy hyzmatdaşlyk ynanyşmagyň ýokary derejesi bilen tapawutlanýar. Russiýa Türkmenistanyň hemişelik Bitaraplyk syýasatyny yzygiderli goldap, onuň Merkezi Aziýada durnuklylygy pugtalandyrmagyň esasy şerti hökmünde eýeleýän möhüm ornuny ykrar edýär.

...Ir bilen hormatly Prezidentimiz Serdar Berdimuhamedow GDA gatnaşyjy ýurtlaryň döwlet Baştutanlarynyň ýokary derejeli resmi däl duşuşygynyň geçirilýän ýerine — Döwlet “Ermitaž” muzeýine geldi. Bu ýerde hormatly Prezidentimizi Russiýa Federasiýasynyň Prezidenti Wladimir Putin mähirli garşylady. Sammitiň öňüsyrasynda oňa gatnaşýan döwlet Baştutanlary «Ermitaž» muzeýine aýlanyp gördüler.

Döwlet Baştutanlary, ilki bilen, muzeýiň birinji gatynda ýerleşýän «Altyn hazyna» zalyna baryp gördüler. Bu ýerde antik döwrüň zergärleriniň ýasan altyn şaý-sepleri görkezilýär. Şolaryň hatarynda gadymy skif halkyna degişli bolan iki müň ýyllyk altyn önümler nepisligi bilen haýran galdyrýar. Ikinji gatda ýerleşýän Orta Aziýa zalynda Beýik Ýüpek ýolunyň taryhy bilen tanyşmak bolýar. Ekspozisiýa asyrlaryň dowamynda medeniýetleriň arasynda kemala gelen gatnaşyklar bilen tanyşmaga mümkinçilik berýär. Gadymy döwürlerde ýurtlary we halklary birleşdiren Beýik Ýüpek ýoly diňe bir özara bähbitli söwda gatnaşyklaryny alyp barmakda däl, eýsem, medeni dialogy yzygiderli ösdürmekde hem özboluşly köpri bolup hyzmat edipdir. Bu söwda ýolunyň merkezinde ýerleşýän türkmen topragy Gündogar bilen Günbatary baglanyşdyrypdyr. Ýükli kerwenler ýurdumyzyň üstünden Ýakyn Gündogar we Ýewropa ýurtlaryna geçipdirler. Bu ýoluň ugrunda ýerleşýän Merw, Köneürgenç, Nusaý ýaly şäherler möhüm ylmy we medeni merkezler bolupdyr.

Soňra dostlukly ýurtlaryň Liderleri Beýik Britaniýanyň we Fransiýanyň sungaty bilen tanyşdyrýan zallara aýlanyp gördüler. Bu ýerde Günbataryň meşhur suratkeşleriniň, heýkeltaraşlarynyň eserleri bilen tanyşmak bolýar.

Soňra döwlet Baştutanlary «Leonardo da Winçi» zalyna baryp gördüler. Bu ýerde Ýewropanyň Gaýtadan döreýiş döwrüniň beýik ussadynyň 20-den gowrak eseri saklanýar. Bu sungat eserleri çeperçilik ussatlygy we çuňňur many-mazmuny bilen tapawutlanýar.

Muzeý bilen tanyşlyk tamamlanandan soňra, GDA gatnaşyjy ýurtlaryň döwlet Baştutanlarynyň ýokary derejeli resmi däl duşuşygy geçirildi. RF-niň Prezidenti Wladimir Putin duşuşygy açyp, oňa gatnaşyjylary ýene-de bir gezek mähirli mübärekledi hem-de resmi däl sammite gatnaşmak üçin Sankt-Peterburga gelmäge çakylygy kabul edendikleri üçin hemmelere hoşallyk bildirdi.

Sammitiň dowamynda şu ýyl Arkalaşygyň çäklerinde ýerine ýetirilen işleriň netijelerine syn berildi, hyzmatdaşlygyň ileri tutulýan ugurlary hem-de geljek üçin wezipeler kesgitlenildi. Ykdysady hyzmatdaşlygyň oňyn görkezijileri kanagatlanma bilen bellenildi. Şeýle hem sebit we ählumumy gün tertibiniň möhüm meseleleri boýunça pikir alşyldy. Prezident Wladimir Putin 2026-njy ýylda Türkmenistanyň GDA-da başlyklyk etmegi mynasybetli döwlet Baştutanymyzy gutlady we üstünlikleri arzuw etdi.

Arkalaşygyň ýurtlarynyň hoşmeýilli erke, özara hormat goýmaga, ynanyşmaga esaslanýan deňhukukly özara bähbitli hyzmatdaşlyga üýtgewsiz ygrarlydyklary nygtaldy. Şu gezekki duşuşyk hem GDA ýurtlarynyň netijeli hyzmatdaşlygy häzirki döwrüň talaplaryna laýyk gelýän täze derejä çykarmagy maksat edinýändikleriniň güwäsidir. Russiýa Federasiýasynyň Prezidenti mümkinçilikden peýdalanyp, GDA gatnaşyjy ýurtlaryň ähli raýatlaryna ýetip gelýän Täze ýyl baýramy mynasybetli tüýs ýürekden gutlaglaryny we iň gowy arzuwlaryny beýan etdi.

Bu ýerde belent mertebeli myhmanlaryň hormatyna Russiýa Federasiýasynyň Prezidentiniň adyndan resmi däl günortanlyk nahary berildi. Şeýle hem döwlet Baştutanlary “Ermitaž” muzeýinde konserte tomaşa etdiler.

Russiýa Federasiýasyna iş saparynyň maksatnamasy tamamlanandan soňra, hormatly Prezidentimiz Serdar Berdimuhamedow Sankt-Peterburg şäheriniň «Pulkowo» Halkara howa menziline bardy we bu ýerden Watanymyza ugrady. Aşgabadyň Halkara howa menzilinde döwlet Baştutanymyzy ýurdumyzyň resmi adamlary garşyladylar.

Şeýlelikde, hormatly Prezidentimiziň Garaşsyz Döwletleriň Arkalaşygyna gatnaşyjy ýurtlaryň döwlet Baştutanlarynyň ýokary derejeli resmi däl duşuşygyna gatnaşmagy ýurdumyzyň açyk we özara hormat goýmak dialogyna ygrarlydygynyň nobatdaky aýdyň beýany boldy. Resmi däl görnüşde geçen sammit tamamlanyp barýan ýylyň jemlerini jemlemek bilen bir hatarda, dürli ulgamlarda bilelikdäki täze başlangyçlar üçin binýat goýmaga hem mümkinçilik berdi. GDA-nyň assosirlenen agzasy hökmünde Türkmenistan üçin şeýle meýdança sebitde parahatçylyk döredijilikli başlangyçlary ilerletmekde möhüm gural bolup durýar.

Şu gün hormatly Prezidentimiz Serdar Berdimuhamedow Garaşsyz Döwletleriň Arkalaşygyna agza ýurtlaryň döwlet Baştutanlarynyň ýokary derejeli resmi däl sammitine gatnaşmak maksady bilen, Russiýa Federasiýasyna iş sapary bilen ugrady. Paýtagtymyzyň Halkara howa menzilinde döwlet Baştutanymyzy ýurdumyzyň resmi adamlary ugratdylar.

GDA-nyň resmi däl sammitleri agza döwletleriň Baştutanlaryna ynanyşykly dialogy alyp barmaga mümkinçilik berýän möhüm meýdança öwrüldi. Şeýle duşuşyklar, resmi mejlislerden tapawutlylykda, ýörite bellenen gün tertibi bilen çäklendirilmän, sebit durnuklylygy, ykdysadyýet we medeni hyzmatdaşlyk ulgamlaryndaky möhüm meseleleri ara alyp maslahatlaşmak üçin amatly şertleri döredýär. Şeýle formatda tamamlanyp barýan ýylyň netijeleriniň jemlenilmegi, geljek üçin meýilnamalaryň kesgitlenilmegi döwlet Baştutanlarynyň arasynda gatnaşyklary pugtalandyrmaga, wajyp meseleler boýunça çözgütleri tapmaga ýardam berýär. Sammitiň bu formaty GDA ýurtlaryny diňe taryhy we geografik umumylygyň däl, eýsem, Ýewraziýa giňişliginde durnuklylygy gorap saklamak boýunça umumy maksadyň hem baglanyşdyrýandygyny görkezýär.

Hemişelik Bitaraplyk hukuk derejesine eýe bolan Türkmenistan GDA-nyň assosirlenen agzasy bolmak bilen, Arkalaşykda ygtybarly hyzmatdaş we parahatçylyk dörediji merkez hökmünde möhüm orny eýeleýär. Ýurdumyz ykdysady, ulag-logistika ulgamlaryna aýratyn üns berip, GDA-nyň çäklerinde hyzmatdaşlygy mazmun taýdan baýlaşdyrmak ugrunda çykyş edýär. Türkmenistanyň halkara ulag geçelgelerini döretmek boýunça başlangyçlary Arkalaşyk boýunça hyzmatdaşlaryň goldawyna eýe bolýar. Hyzmatdaşlygyň çäklerinde ýurdumyz energetika diplomatiýasyny we ekologiýa howpsuzlygyny yzygiderli ilerledýär. Ynsanperwer hyzmatdaşlyk hem möhüm ugurlaryň biri bolup durýar. Türkmenistan GDA-nyň iri medeni, sport çäreleriniň yzygiderli geçirilýän ýerine öwrülip, ruhy gymmatlyklary gorap saklamaga hem-de halklaryň arasynda dostlugy pugtalandyrmaga ýardam berýär.

GDA döwletleriniň Baştutanlarynyň ýakynda Aşgabatda geçirilen parahatçylyk we ynanyşmak forumyna gatnaşmagy aýratyn ähmiýete eýe boldy. Munuň özi parahatçylyk hem-de özara hormat goýmak ýörelgeleriniň GDA-nyň çäklerindäki hyzmatdaşlygyň binýady bolup durýandygyny tassyklady. Paýtagtymyzda geçirilen forum häzirki döwrüň ählumumy meselelerini çözmekde syýasy-diplomatik dialogyň ähmiýetini görkezmäge mümkinçilik berdi.

...Birnäçe sagatdan soňra, hormatly Prezidentimiziň uçary Sankt-Peterburg şäheriniň Halkara howa menzilinde gondy. Bu ýerde döwlet Baştutanymyzy resmi adamlar mähirli garşyladylar.

Hormatly Prezidentimiz Serdar Berdimuhamedowyň Russiýa Federasiýasyna iş sapary dowam edýär.

Şu gün hormatly Prezidentimiz Serdar Berdimuhamedow Garaşsyz Döwletleriň Arkalaşygyna agza ýurtlaryň döwlet Baştutanlarynyň ýokary derejeli resmi däl sammitine gatnaşmak maksady bilen, Russiýa Federasiýasyna iş sapary bilen ugrady. Paýtagtymyzyň Halkara howa menzilinde döwlet Baştutanymyzy ýurdumyzyň resmi adamlary ugratdylar.

GDA-nyň resmi däl sammitleri agza döwletleriň Baştutanlaryna ynanyşykly dialogy alyp barmaga mümkinçilik berýän möhüm meýdança öwrüldi. Şeýle duşuşyklar, resmi mejlislerden tapawutlylykda, ýörite bellenen gün tertibi bilen çäklendirilmän, sebit durnuklylygy, ykdysadyýet we medeni hyzmatdaşlyk ulgamlaryndaky möhüm meseleleri ara alyp maslahatlaşmak üçin amatly şertleri döredýär. Şeýle formatda tamamlanyp barýan ýylyň netijeleriniň jemlenilmegi, geljek üçin meýilnamalaryň kesgitlenilmegi döwlet Baştutanlarynyň arasynda gatnaşyklary pugtalandyrmaga, wajyp meseleler boýunça çözgütleri tapmaga ýardam berýär. Sammitiň bu formaty GDA ýurtlaryny diňe taryhy we geografik umumylygyň däl, eýsem, Ýewraziýa giňişliginde durnuklylygy gorap saklamak boýunça umumy maksadyň hem baglanyşdyrýandygyny görkezýär.

Hemişelik Bitaraplyk hukuk derejesine eýe bolan Türkmenistan GDA-nyň assosirlenen agzasy bolmak bilen, Arkalaşykda ygtybarly hyzmatdaş we parahatçylyk dörediji merkez hökmünde möhüm orny eýeleýär. Ýurdumyz ykdysady, ulag-logistika ulgamlaryna aýratyn üns berip, GDA-nyň çäklerinde hyzmatdaşlygy mazmun taýdan baýlaşdyrmak ugrunda çykyş edýär. Türkmenistanyň halkara ulag geçelgelerini döretmek boýunça başlangyçlary Arkalaşyk boýunça hyzmatdaşlaryň goldawyna eýe bolýar. Hyzmatdaşlygyň çäklerinde ýurdumyz energetika diplomatiýasyny we ekologiýa howpsuzlygyny yzygiderli ilerledýär. Ynsanperwer hyzmatdaşlyk hem möhüm ugurlaryň biri bolup durýar. Türkmenistan GDA-nyň iri medeni, sport çäreleriniň yzygiderli geçirilýän ýerine öwrülip, ruhy gymmatlyklary gorap saklamaga hem-de halklaryň arasynda dostlugy pugtalandyrmaga ýardam berýär.

GDA döwletleriniň Baştutanlarynyň ýakynda Aşgabatda geçirilen parahatçylyk we ynanyşmak forumyna gatnaşmagy aýratyn ähmiýete eýe boldy. Munuň özi parahatçylyk hem-de özara hormat goýmak ýörelgeleriniň GDA-nyň çäklerindäki hyzmatdaşlygyň binýady bolup durýandygyny tassyklady. Paýtagtymyzda geçirilen forum häzirki döwrüň ählumumy meselelerini çözmekde syýasy-diplomatik dialogyň ähmiýetini görkezmäge mümkinçilik berdi.

...Birnäçe sagatdan soňra, hormatly Prezidentimiziň uçary Sankt-Peterburg şäheriniň Halkara howa menzilinde gondy. Bu ýerde döwlet Baştutanymyzy resmi adamlar mähirli garşyladylar.

Hormatly Prezidentimiz Serdar Berdimuhamedowyň Russiýa Federasiýasyna iş sapary dowam edýär.

Aşgabatda geçirilen Halkara parahatçylyk we ynanyşmak forumyna gatnaşyjylar — döwlet we hökümet Baştutanlary Türkmenistanyň Ählumumy howpsuzlyk konsepsiýasyny işläp düzmäge hem-de köpçülikleýin parahatçylyk baradaky häzirki zaman düşünjesini kemala getirmäge gönükdirilen tagallalaryna ýokary baha berdiler. Bu barada forumyň jemleri boýunça kabul edilen Aşgabat Jarnamasynda bellenildi.

«Türkmenistanyň Bitaraplyga esaslanýan Ählumumy howpsuzlyk konsepsiýasyny işläp düzmek boýunça alyp barýan işlerini makullaýarys. Bu işler ynam, özygtyýarlylyga hormat goýmak, bitaraplyk we goşulyşmazlyk ýörelgelerine esaslanýan bilelikdäki parahatçylygyň döwrebap düşünjesini kemala getirmäge gönükdirilendir we ösýän ählumumy howpsuzlyk gurluşynyň tapawutlyklaryny aradan aýyrýan, garşy durmakdan has wajyp bolan parahatçylykly ýaşamagy ileri tutýan amaly mehanizmler bilen doldurmak üçin niýetlenendir» diýlip halkara resminamada bellenilýär.

«Bitaraplygyň hemişelik we işjeň görnüşinde parhsyzlygy däl-de, eýsem, jogapkärçiligi özünde jemleýändigini, gapma-garşylyklaryň öňüni almagy, bitaraplygyň hoşniýetli hyzmatlaryň, araçylygyň we ynamy berkitmegiň üsti bilen halkara parahatçylygyň we howpsuzlygyň bähbidine ähli taraplar bilen netijeli gatnaşygy saklap, gapma-garşylyklaryň öňüni almaga yzygiderli ygrarlydygyny ykrar edýäris» diýlip resminamada nygtalýar.

Halkara parahatçylyk we ynanyşmak ýylyna, Halkara Bitaraplyk gününe we Türkmenistanyň hemişelik Bitaraplygynyň 30 ýyllygyna bagyşlanan halkara forum 12-nji dekabrda Aşgabatda geçirildi. Oňa Ermenistanyň, Yragyň, Eýranyň, Gazagystanyň, Gyrgyzystanyň, Russiýanyň, Täjigistanyň, Türkiýäniň, Özbegistanyň Prezidentleri, şeýle hem Azerbaýjanyň, Gruziýanyň, Pakistanyň Premýer-ministrleri we beýleki birnäçe döwletleriň wekilleri gatnaşdylar.

Biz — Halkara parahatçylyk we ynanyşmak ýyly (2025-nji ýyl), Halkara Bitaraplyk güni we Türkmenistanyň hemişelik Bitaraplygynyň 30 ýyllygy mynasybetli guralan halkara foruma gatnaşyjylar 2025-nji ýylyň 12-nji dekabrynda Türkmenistanyň Hökümetiniň çakylygy boýunça Birleşen Milletler Guramasy bilen hyzmatdaşlykda Aşgabat şäherinde ýygnanyp, Baş Assambleýanyň 2024-nji ýylyň 21-nji martyndaky 78/266 belgili Kararnamasyny ýerine ýetirmek maksady bilen hereket edip, şol resminama boýunça 2025-nji ýyl «Halkara parahatçylyk we ynanyşmak ýyly» diýlip yglan edildi hem-de parahatçylygyň, howpsuzlygyň we durnukly ösüşiň bähbitlerine döwletleriň arasynda köptaraply gepleşikleri, özara düşünişmegi we hyzmatdaşlygy berkitmäge esaslanyp,

Döwletleriň özygtyýarlylyk babatdaky deňligini, çäk bitewüligine hormat goýmagy, içerki işlere gatyşmazlygy we dawalary parahatçylykly ýol bilen çözmegi öz içine alýan Birleşen Milletler Guramasynyň Tertipnamasynyň häzirki zaman halkara gün tertibiniň esasy ýörelgeleri we berk binýady bolan maksatlaryna hem-de ýörelgelerine ygrarlylygymyzy tassyklap,

Halkara hukuga ählumumy hormat goýmaga esaslanýan köptaraplylygy güýçlendirmäge bolan üýtgewsiz ygrarlylygymyzy gaýtadan tekrarlap, Birleşen Milletler Guramasynyň parahat, durnukly hem gülläp ösýän dünýäni gurmaga, inklýuziw gepleşikler we bilelikdäki hereketler arkaly ählumumy kynçylyklary netijeli çözmäge ýardam bermekdäki esasy ornuny ykrar etmek bilen, durnukly ösüş ulgamynda ählumumy, geljegi nazarlaýan, adamlaryň bähbitlerini göz öňünde tutýan we özgerdiji maksatlardyr wezipeleriň toplumyny kabul edýän Birleşen Milletler Guramasynyň Baş Assambleýasynyň 2015-nji ýylyň 25-nji sentýabryndaky «Biziň dünýämizi özgertmek: 2030-njy ýyla çenli durnukly ösüş ulgamynda Gün tertibi» atly 70/1 belgili Kararnamasyny ýatladyp,

Şeýle-de Parahatçylyk medeniýeti boýunça Jarnamanyň we Hereketleriň maksatnamasynyň, Geljegiň bähbidine paktyň we Parahatçylyk üçin täze gün tertibiniň degişli düzgünlerini ýatlatmak bilen, mundan başga-da, Birleşen Milletler Guramasynyň Baş Assambleýasynyň Türkmenistanyň hemişelik Bitaraplygy hakyndaky 1995-nji ýylyň 12-nji dekabryndaky 50/80 A, 2015-nji ýylyň 3-nji iýunyndaky 69/285 we 2025-nji ýylyň 21-nji martyndaky 79/274 belgili Kararnamalaryny ýatladyp,

Türkmenistan tarapyndan yglan edilen we yzygiderli durmuşa geçirilýän hemişelik Bitaraplyk derejesine berk goldawymyzy tassyklamak bilen, onuň sebit we ählumumy derejede parahatçylygy, durnuklylygy, hyzmatdaşlygy berkitmegiň möhüm şertine öwrülendigini belläp, Birleşen Milletler Guramasynyň Baş Assambleýasynyň Halkara Bitaraplyk gününi yglan etmek hakyndaky 2017-nji ýylyň 2-nji fewralyndaky 71/275, halkara parahatçylygy, howpsuzlygy we durnukly ösüşi goldamakda we berkitmekde bitaraplyk syýasatynyň orny we ähmiýeti hakyndaky 2020-nji ýylyň 7-nji dekabryndaky 75/28 belgili Kararnamalaryna salgylanmak bilen,

2015-nji we 2020-nji ýyllardaky Aşgabat Jemleýji resminamalaryny ýatlatmak bilen, Türkmenistanyň Hökümetiniň Bitaraplyk, öňüni alyş diplomatiýasy we parahatçylyk meseleleri boýunça dialogy Birleşen Milletler Guramasynyň Tertipnamasynyň ýörelgelerine we maksatlaryna laýyklykda institusionallaşdyrmak boýunça tagallalaryny belläp, Birleşen Milletler Guramasynyň Baş Assambleýasynyň Başlygy tarapyndan çagyrylan 2024-nji ýylyň 24-nji oktýabryndaky 79/5 belgili Kararnamany ýerine ýetirmek maksady bilen, 2025-nji ýylyň 7-nji iýulynda Nýu-Ýork şäherinde Birleşen Milletler Guramasynyň ştab-kwartirasynda geçirilen BMG-niň sebitleýin parahatçylyk zolaklary boýunça ýokary derejeli maslahatynyň netijelerini belläp, şeýle hem Bitaraplyga we öňüni alyş diplomatiýasyna esaslanýan parahatçylygyň sebit derejesindäki beýany hökmünde Merkezi Aziýany parahatçylyk, ynanyşmak we hyzmatdaşlyk zolagyna öwürmek boýunça tagallalary goldamak bilen,

Şeýle-de Türkmenistanyň başlangyjy boýunça 2020-nji ýylyň awgustynda esaslandyrylan gapma-garşylyklaryň öňüni almakda, olaryň düýp sebäplerini we netijelerini aradan aýyrmakda, ynsanperwer meseleleri çözmekde, halkara gatnaşyklarda bitaraplygy öňe sürmekde köptaraply gepleşikleri goldamagyň mehanizmi hökmünde hereket edýän resmi däl toparyň, ýagny parahatçylyk, howpsuzlyk we durnukly ösüş ugrundaky Bitaraplygyň dostlary toparynyň döredilmegini we işiniň dowam etdirilmegini, şeýle hem toparyň birinji ministrler derejesindäki duşuşygynyň Jemleýji Jarnamasyny goldamak bilen,

Parahatçylygyň, howpsuzlygyň we durnukly ösüşiň arasyndaky özara baglanyşygyň ösýändigini ykrar edip hem-de ynanyşmagyň, birek-birege hormat goýmagyň, özara düşünişmegiň hem-de bitaraplygyň halkara gün tertibiniň iň möhüm düzüm bölekleridigini nygtap,

2025-nji ýylyň Türkmenistanyň hemişelik Bitaraplygynyň 30 ýyllygyna beslenýändigini ýatlatmak bilen, munuň halklaryň arasynda ynanyşmagy we hyzmatdaşlygy güýçlendirmäge ýardam edýän netijeli parahatçylyk söýüjilikli daşary syýasatyň mysalyna öwrülendigini belläp,

I. Parahatçylygy, ynanyşmagy we gepleşikleri berkitmek

1. Parahatçylygyň, ynanyşmagyň we gepleşikleriň halkara gatnaşyklaryň iň möhüm sütünleri we adalatly, ähli gatnaşyjylary öz içine alýan hem-de howpsuz dünýä gün tertibiniň binýady bolup galýandygyny tassyklaýarys. Şol ýörelgeleriň halklaryň we döwletleriň arasyndaky hyzmatdaşlygyň ahlak, syýasy esasyny düzýändigini hem-de ynanyşmak we gepleşikler bolmasa, durnukly parahatçylygyň, howpsuzlygyň, ösüşiň bolup bilmejekdigini ykrar edýäris;

2. Barha çylşyrymlaşýan we özara bagly bolan dünýä şertlerinde Birleşen Milletler Guramasynyň Tertipnamasynyň maksatlarynda, ýörelgelerinde beýanyny tapan, parahatçylyk we ynanyşmak medeniýetini yzygiderli syýasy erkiň, açyk aragatnaşygyň, hakyky köptaraply gepleşikleriň üsti bilen berkitmegiň zerurdygyny nygtaýarys hem-de bu babatda Birleşen Milletler Guramasynyň Siwilizasiýalar bileleşiginiň işini makullaýarys;

3. Bu babatda Baş Assambleýanyň 2022-nji ýylyň 28-nji iýulyndaky 76/299 we 2024-nji ýylyň 21-nji martyndaky 78/266 belgili Kararnamalaryny ýatladýarys. Olarda Baş Assambleýa parahatçylygyň we ynanyşmagyň ideallaryny öňe sürmäge yzygiderli üns çekmek maksady bilen, bäş ýyldan bir gezek Halkara parahatçylyk we ynanyşmak ýyllaryny bellemegi karar etdi. Şoňa görä, gapma-garşylyklaryň öňüni almak, gepleşikleri höweslendirmek, halklaryň arasynda özara düşünişmegi berkitmek boýunça tagallalary birleşdirmegi dowam etdirmek üçin 2030-njy ýylyň “Halkara parahatçylyk we ynanyşmak ýyly” diýlip yglan edilmegini makullaýarys;

4. Baş Assambleýanyň halkara jemgyýetçiligiň parahatçylygy, hoşniýetliligi, inklýuziwligi, özara düşünişmegi we raýdaşlygy öňe sürmek boýunça tagallalaryny jemlemek, şeýle hem tapawutlyklary we köpdürlüligi inkär etmezden, jebisligi saklap, bilelikde ýaşamaga hem-de hereket etmäge bolan ygrarlylygy beýan etmek maksady bilen, her ýylyň 16-njy maýyny “Halkara parahatçylykda ýaşamak güni” diýip yglan etmek hakynda Kararnamany makullaýarys;

5. Ähli agza döwletleri, Birleşen Milletler Guramasynyň ulgamynyň düzümlerini, sebit we sebitara guramalary, raýat jemgyýetini, şol sanda hökümete degişli bolmadyk guramalary we aýry-aýry agzalary Halkara parahatçylyk we ynanyşmak ýyllaryny geçirmäge yzygiderli, işjeň ýardam bermäge, ony halklaryň arasynda özara hormat goýmagy, hoşniýetliligi, hyzmatdaşlygy güýçlendirýän we halkara hyzmatdaşlygyň ähli ugurlarynda ynanyşmak, özara düşünişmek ýagdaýyny döretmäge ýardam edýän bilim, medeni we syýasy başlangyçlary guramak arkaly dowam etdirmäge çagyrýarys;

6. Birnäçe döwletler tarapyndan yzygiderli durmuşa geçirilýän milli bitaraplyk syýasatynyň gapma-garşylyklaryň öňüni almagyň, ynanyşmaga we özara hormat goýmaga esaslanýan gatnaşyklary berkitmegiň, sebit hem-de ählumumy derejede durnuklylygy güýçlendirmek, netijeli gepleşikleri ilerletmek üçin amatly şertleri döretmegiň möhüm guraly bolup hyzmat edýändigini ykrar edýäris;

7. Şeýle-de Türkmenistanyň hemişelik Bitaraplyk syýasaty arkaly Parahatçylygyň kepili hökmünde dialogyň halkara ýyllarynyň, ynamy pugtalandyrmak çäreleriniň amaly nusgasy bolup hyzmat edýän 2023-nji ýylyň we Halkara parahatçylyk we ynanyşmak ýyllarynyň çäklerinde ählumumy çäreleri başlap we durmuşa geçirip, halkara gatnaşyklarda gepleşige, parahatçylyga, ynanyşmaga esaslanýan yzygiderli çemeleşmäni öňe sürýän Türkmenistanyň öňbaşçylygyny ykrar edýäris;

8. Bitaraplyk syýasatyna esaslanýan, deň we bölünmez howpsuzlyk ýörelgesine eýerýän edýän bu köpugurly çemeleşmäniň diňe bir syýasy durnuklylyga däl-de, eýsem, durmuş, ykdysady, ekologiýa we ynsanperwer durnuklylyga-da ýardam edýändigini, şeýlelikde, ählumumy parahatçylyk medeniýetini güýçlendirýändigini tassyklaýarys;

II. Öňüni alyş diplomatiýasyny we araçylygy berkitmek

9. Öňüni alyş diplomatiýasynyň gapma-garşylyklaryň öňüni almagyň we halkara parahatçylygy saklamagyň esasy gurallarynyň biri hökmünde ähmiýetini, şeýle hem onuň Birleşen Milletler Guramasynyň Tertipnamasynyň ýörelgelerine we maksatlaryna laýyklykda berk ulanylmalydygyny nygtaýarys.

10. Birleşen Milletler Guramasynyň Howpsuzlyk Geňeşiniň 2788 belgili Kararnamasyny biragyzdan kabul edendigini, şonda BMG-niň Tertipnamasynyň 33-nji maddasynda göz öňünde tutulan, dawalary parahatçylykly çözmek, şol sanda araçylyk mehanizmlerini netijeli ulanmak ýörelgesine eýermäge gyssagly çagyryş edilýändigini ýatladýarys;

11. Parahatçylykly gepleşikleri we gapma-garşylyklary çözmek proseslerini geçirmek, şol sanda araçylyk üçin ýörite meýdançalary döretmek üçin bitarap döwletleriň çäklerini netijeli ulanmaga we Türkmenistanyň öz çäginde Birleşen Milletler Guramasynyň goldawy bilen Parahatçylyk üçin araçylyk palatasyny döretmek hakyndaky teklibini minnetdarlyk bilen belleýäris. Baş Assambleýanyň 79/274 Kararnamasynda bellenilişi ýaly, muňa agza döwletler we Birleşen Milletler Guramasynyň ulgamy tarapyndan seredilmegi zerurdyr;

12. Baş Assambleýanyň Birleşen Milletler Guramasynyň Baş sekretaryna elýeterli serişdeleriň çäklerinde BMG-niň agza döwletleri hem-de beýleki degişli taraplar bilen maslahatlaşyp, parahatçylyk we howpsuzlyk üçin bitaraplyk ýörelgelerini berjaý etmek we durmuşa geçirmek boýunça Gözükdirijini işläp düzmek baradaky tabşyrygyny, bu babatda halkara gatnaşyklarda bitaraplygy netijeli ulanmagyň toplanan tejribesini we esasy ýörelgelerini umumylaşdyrmaga aýratyn üns berilmelidigini makullaýarys;

13. Aşgabatda ýerleşýän Birleşen Milletler Guramasynyň Merkezi Aziýa üçin öňüni alyş diplomatiýasy boýunça sebit merkeziniň öz ygtyýarlyklaryna laýyklykda, sebitde we onuň çäginden daşarda parahatçylygyň, durnuklylygyň bähbidine gepleşikleri we hyzmatdaşlygy ilerletmekdäki möhüm ornuny we beýleki sebitlerde hem şeýle mehanizmleriň döredilmegini we güýçlendirilmegini aýratyn belleýäris;

14. Birleşen Milletler Guramasynyň giň syýasy-diplomatik serişdeleri we öňüni alyş diplomatiýasynyň usullaryny ulanmaga esaslanýan parahatçylygy ýola goýmakdaky tejribesini, bitaraplygyň amaly häsiýetini ösdürmegi belläp geçýäris. Bu ugurda ylmy-barlag we bilim işlerini amala aşyrmak maksady bilen, şeýle hem Birleşen Milletler Guramasynyň Baş Assambleýasynyň «Parahatçylyk uniwersiteti» atly Kararnamasyny göz öňünde tutup, Türkmenistanyň Birleşen Milletler Guramasy bilen hyzmatdaşlykda Parahatçylyk we bitaraplyk uniwersitetini döretmek baradaky teklibini makullaýarys;

III. Bitaraplyga esaslanýan Ählumumy howpsuzlyk konsepsiýasyny öňe sürmek

15. Türkmenistanyň Bitaraplyga esaslanýan Ählumumy howpsuzlyk konsepsiýasyny işläp düzmek boýunça alyp barýan işlerini makullaýarys. Bu işler ynam, özygtyýarlylyga hormat goýmak, bitaraplyk we goşulyşmazlyk ýörelgelerine esaslanýan bilelikdäki parahatçylygyň döwrebap düşünjesini kemala getirmäge gönükdirilendir we ösýän ählumumy howpsuzlyk gurluşynyň tapawutlyklaryny aradan aýyrýan, garşy durmakdan has wajyp bolan parahatçylykly ýaşamagy ileri tutýan amaly mehanizmler bilen doldurmak üçin niýetlenendir;

16. Birleşen Milletler Guramasynyň agza döwletlerini, Goşulyşmazlyk Hereketini we beýleki sebit we halkara guramalary Birleşen Milletler Guramasynyň goldawy bilen, BMG-niň Tertipnamasynda berkidilen ýörelgelerdir maksatlar esasynda Bitaraplyga esaslanýan Ählumumy howpsuzlyk konsepsiýasyny işläp düzmek we öňe sürmek boýunça dowam edýän tagallalary ylalaşyga gelmegiň, köptaraply hyzmatdaşlygy berkitmegiň binýady hökmünde makullanylmagyna çagyrýarys;

17. Bitaraplygyň hemişelik we işjeň görnüşinde parhsyzlygy däl-de, eýsem, jogapkärçiligi özünde jemleýändigini, gapma-garşylyklaryň öňüni almagy, bitaraplygyň, hoşniýetli hyzmatlaryň, araçylygyň we ynamy berkitmegiň üsti bilen halkara parahatçylygyň we howpsuzlygyň bähbidine ähli taraplar bilen netijeli gatnaşygy saklap, gapma-garşylyklaryň öňüni almaga yzygiderli ygrarlydygyny ykrar edýäris;

IV. Parahatçylygyň, ynanyşmagyň we durnukly ösüşiň utgaşyklylygy

18. 2030-njy ýyla çenli durnukly ösüş ulgamynda Gün tertibinde nygtalyşy ýaly, durnukly ösüş parahatçylyk we howpsuzlyk bolmasa mümkin däldir, parahatçylygyň we howpsuzlygyň hem durnukly ösüş bolmasa howp astynda galjakdygyny ýene-de bir gezek tassyklaýarys;

19. Bitaraplygyň ynsanperwerligiň, adalatlylygyň we kemsitmezligiň ýörelgelerini öz içine alýan ählumumy ýörelgelere esaslanýan çuňňur ynsanperwer ölçeglere eýedigini we bitarap döwletleriň gapma-garşylyklarda, adatdan daşary ýagdaýlarda we tebigy betbagtçylyklarda ynsanperwer kömegini bermäge ýardam etmekde möhüm orun eýeleýändigini nygtap geçýäris;

20. Zenanlaryň deňhukukly gatnaşmagyna we doly goşulmagyna, ýaşlaryň parahatçylygy saklamak hem-de berkitmek boýunça ähli tagallalara işjeň gatnaşmagyna ýardam berýän başlangyçlary goldaýarys;

21. Köpdilli diplomatiýanyň halkara gününi we Halkara araçylyk gününi halklaryň arasynda parahatçylygy we özara düşünişmegi berkitmegiň gurallary hem-de çarçuwasy hökmünde yglan etmek baradaky başlangyçlary goldaýarys;

22. Sanly tehnologiýalaryň we emeli aňyň parahatçylyga, gepleşige, durnukly ösüşe ýardam bermekdäki mümkinçiliklerini, şol bir wagtyň özünde BMG-niň Tertipnamasynyň maksatlaryna we ýörelgelerine laýyklykda, olaryň ahlak taýdan ulanylmagyny üpjün etmegiň zerurdygyny berk nygtamak bilen, ony ykrar edýäris;

V. Geljekde hyzmatdaşlygy goldamak

23. Türkmenistanyň Halkara ynanyşmagyň ählumumy kodeksini işläp düzmek mümkinçiligini öwrenmek boýunça başlangyjyny, bu kodeksiň Birleşen Milletler Guramasynyň Tertipnamasynyň ýörelgelerine esaslanýan deňligi, özara hormat goýmagy, ynanyşmagy we umumy jogapkärçiligi öňe sürmek üçin goşmaça guraldygyny makullaýarys;

24. 2015-nji we 2020-nji ýyllardaky Aşgabat Jemleýji resminamalarynda berkidilen borçnamalara laýyklykda, bitaraplyk, parahatçylyk we ynanyşmak meselelerine bagyşlanan halkara we sebit forumlaryny yzygiderli geçirmegiň ähmiýetini tassyklaýarys;

25. Birleşen Milletler Guramasynyň ähli agza döwletlerini ählumumy parahatçylygyň binýady hökmünde köptaraply hyzmatdaşlyk mehanizmlerini berkitmäge we Türkmenistanyň 2028-nji ýyly “Halkara hukugyň ýyly” diýip yglan etmek baradaky teklibini goldaýandygymyzy beýan edýäris. Munuň BMG-niň Tertipnamasynda berkidilen halkara hukugyň kadalarynyň we ýörelgeleriniň ählumumylygyny we hökmürowanlygyny güýçlendirmek boýunça bilelikdäki tagallalaryň beýany boljakdygyna ynanmaga çagyrýarys;

26. Türkmenistanyň halkyna we Hökümetine Halkara parahatçylyk we ynanyşmak ýylyna (2025-nji ýyl), Halkara Bitaraplyk gününe we Türkmenistanyň hemişelik Bitaraplygynyň 30 ýyllygyna bagyşlanan halkara forumy geçirendigi we hemişelik Bitaraplyk ýörelgelerini yzygiderli durmuşa geçirmek arkaly ählumumy parahatçylygy, durnuklylygy, hyzmatdaşlygy berkitmäge yzygiderli goşýan goşandy üçin çuňňur minnetdarlyk bildirýäris;

27. Forumyň dowamynda öňe sürlen pikirleriň we teklipleriň amaly taýdan durmuşa geçirilmegi üçin Birleşen Milletler Guramasynyň, sebit guramalarynyň we ikitaraplaýyn mehanizmleriň çäklerinde özara hereket etmegi dowam etdirmäge taýýardygymyzy tassyklaýarys;

28. Ähli agza döwletleri, Birleşen Milletler Guramasynyň edaralaryny we degişli hyzmatdaşlary gepleşikleriň, ynanyşmagyň hem-de hyzmatdaşlygyň ruhuny güýçlendirmegi dowam etdirmäge, şeýlelikde, parahatçylygyň we ynanyşmagyň Birleşen Milletler Guramasynyň berk mirasyna hem-de XXI asyrda halkara hyzmatdaşlygyň ileri tutulýan kesgitleýji ugruna öwrülmegini üpjün etmäge çagyrýarys.

Türkmenistan, Aşgabat şäheri, 2025-nji ýylyň 12-nji dekabry.

Çuň­ňur hor­mat­la­nyl­ýan Türk­me­nis­ta­nyň Pre­zi­den­ti!

Si­zi Türk­me­nis­ta­nyň «Türk­men ala­baý it­le­ri­ni ös­dü­rip ýe­tiş­dir­mek däp­le­ri» at­ly mil­li hö­dür­na­ma­sy­nyň Bir­le­şen Mil­let­ler Gu­ra­ma­sy­nyň Bi­lim, ylym we me­de­ni­ýet me­se­le­le­ri bo­ýun­ça gu­ra­ma­sy­nyň (ÝU­NES­KO) Adam­za­dyň mad­dy däl me­de­ni mi­ra­sy­nyň sa­na­wy­na gi­ri­zil­me­gi my­na­sy­bet­li türk­men hal­ky­nyň hem-de Türk­me­nis­ta­nyň Halk Mas­la­ha­ty­nyň adyn­dan tüýs ýü­rek­den gut­la­ýa­ryn. Si­ze mer­da­na hal­ky­my­zyň mil­li gym­mat­ly­gy bo­lan türk­men ala­baý­la­ry­ny ös­dü­rip ýe­tiş­dir­mek hem-de kä­mil­leş­dir­mek, ola­ryň şan-şöh­ra­ty­ny dün­ýä ýaý­mak ug­run­da alyp bar­ýan iş­le­ri­ňiz­de mun­dan beý­läk-de uly üs­tün­lik­le­ri ar­zuw ed­ýä­rin.

Hor­mat­ly Pre­zi­den­ti­miz!

Si­ziň ýur­du­my­zyň ta­ry­hy-me­de­ni ýa­dy­gär­lik­le­ri­ni we gym­mat­lyk­la­ry­ny go­rap sak­la­ma­ga hem-de hal­ka­ra de­re­je­de dün­ýä ýaý­ma­ga gö­nük­di­ri­len oňyn baş­lan­gyç­la­ry­ňyz Bir­le­şen Mil­let­ler Gu­ra­ma­sy­nyň Bi­lim, ylym we me­de­ni­ýet me­se­le­le­ri bo­ýun­ça gu­ra­ma­sy­nyň hem-de onuň äh­li ag­za ýurt­la­ry­nyň giň gol­da­wy­na my­na­syp bol­ýar. Ýa­kyn­da ÝU­NES­KO-nyň Mad­dy däl me­de­ni mi­ra­sy go­ra­mak bo­ýun­ça hökümetara ko­mi­te­ti­niň Hin­dis­tan Res­pub­li­ka­sy­nyň Nýu-De­li şä­he­rin­de ge­çi­ri­len mej­li­sin­de Türk­me­nis­tan ta­ra­pyn­dan hö­dür­le­nen «Türk­men ala­baý it­le­ri­ni ös­dü­rip ýe­tiş­dir­mek däp­le­ri» at­ly hö­dür­na­ma­ny gol­da­mak ha­kyn­da çöz­gü­diň ka­bul edil­me­gi hem bu aý­dy­lan­la­ra aý­dyň şa­ýat­lyk ed­ýär.

Ala­baý­la­ryň to­hum­çy­lyk işi­ni ös­dür­mek hem-de kä­mil­leş­dir­mek it­şy­nas­lyk ba­bat­da­ky giň ge­rim­li iş­le­riň esa­sy ugur­la­ry­dyr. Si­ziň bel­leý­şi­ňiz ýa­ly, türk­men ala­ba­ýy dün­ýä­niň iň ga­dy­my to­hum it­le­ri­niň bi­ri bol­mak bi­len, mer­da­na hal­ky­my­zyň gen­ji-ha­zy­na­sy­dyr we asyr­lar­dan göz­baş al­ýan mil­li mi­ra­sy­dyr. Türk­men ala­baý­la­ry eýe­si­ne we­pa­dar­ly­gy, ba­tyr­ly­gy, gaý­duw­syz­ly­gy bi­len bü­tin dün­ýä­de giň­den ta­nal­ýar.

Be­lent mer­te­be­li Pre­zi­den­ti­miz!

Türk­men ala­baý it­le­ri öz­bo­luş­ly mil­li me­de­ni­ýe­ti­mi­ziň aý­ryl­maz bö­le­gi bo­lup dur­ýar. Bu tä­sin jan­dar ga­dy­my­ýe­tiň sy­na­gyn­dan ge­çip, we­pa­ly­ly­gyň, eder­men­li­giň, ba­tyr­gaý­ly­gyň nus­ga­sy hök­mün­de şu gü­ne ge­lip ýet­di. Ýur­du­my­zyň se­bit­le­rin­de we Aş­ga­bat şä­he­rin­de türk­men ala­baý­la­ry­nyň dün­ýä öl­çeg­le­ri­ne la­ýyk gel­ýän mer­kez­le­ri­niň gu­rul­ma­gy bi­len, it­şy­nas­la­ry­myz üçin döw­rüň ta­lap­la­ry­na la­ýyk iş alyp bar­ma­ga giň müm­kin­çi­lik­ler dö­re­dil­ýär. Mil­li it­şy­nas­lyk mek­de­bi­niň iň go­wy däp­le­ri­ni aýaw­ly sak­la­mak we art­dyr­mak mak­sa­dy bi­len, Hal­ka­ra «Türk­men ala­baý it­le­ri» as­so­sia­si­ýa­sy­nyň hem-de onuň «Türk­me­niň nus­ga­lyk ala­ba­ýy» žur­na­ly­nyň dö­re­dil­me­gi türk­men ala­baý it­le­ri­niň şöh­ra­ty­ny dün­ýä ýaý­mak­da tä­ze tap­gyr bol­dy. Si­ziň ta­gal­la­la­ry­ňyz bi­len mil­li buý­san­jy­myz bo­lan ala­baý­la­ryň to­hum aras­sa­ly­gy­ny go­rap sak­la­mak, ola­ryň baş sa­ny­ny art­dyr­mak ug­run­da hem uly iş­ler al­nyp ba­ryl­ýar.

Hor­mat­ly Pre­zi­den­ti­miz, Siz Hal­ka­ra «Türk­men ala­baý it­le­ri» as­so­sia­si­ýa­sy­nyň Pre­zi­den­ti hök­mün­de ala­baý­la­ryň türk­men hal­ky­nyň di­ňe bir kö­mek­çi­si, öý-oja­gyň, em­lä­giň yg­ty­bar­ly go­rag­çy­sy bol­mak bi­len çäk­len­män, eý­sem, müň­ýyl­lyk­la­ryň do­wa­myn­da we­pa­ly dos­tu­na hem öw­rü­len­di­gi­ni bel­le­ýär­si­ňiz. Si­ziň baş­tu­tan­ly­gy­ňyz­da her ýy­lyň okt­ýabr aýy­nyň soň­ky ýek­şen­be­sin­de ýur­du­myz­da Türk­men ala­ba­ýy­nyň baý­ra­my­nyň bel­le­nil­me­gi, bu baý­ram my­na­sy­bet­li Hal­ka­ra «Türk­men ala­baý it­le­ri» as­so­sia­si­ýa­sy­nyň mej­li­si­niň, hal­ka­ra yl­my mas­la­ha­tyň, hal­ka­ra bäs­le­şi­giň hem-de türk­men ala­baý it­le­ri­niň daş­ky keş­bi­ni şe­kil­len­di­riş we ama­ly-ha­şam sun­ga­ty eser­le­rin­de, ne­şir önüm­le­rin­de, fo­to­su­rat­lar­da, te­le­ýaý­lym­lar­da çe­per be­ýan et­mek ug­run­da bäs­le­şi­giň ge­çi­ril­me­gi türk­men ala­ba­ýy­nyň jem­gy­ýe­ti­miz­dä­ki we hal­ka­ra gi­ňiş­lik­dä­ki or­nu­ny has-da şöh­rat­lan­dyr­ýar.

Sar­pa­sy be­lent Pre­zi­den­ti­miz!

Dün­ýä me­de­ni­ýe­ti­niň aý­ryl­maz bö­le­gi­ne öw­rü­len türk­men it­şy­nas­lyk sun­ga­ty­ny go­rap sak­la­mak we ös­dür­mek, ala­baý it­le­ri­niň sa­ny­ny art­dyr­mak, seç­gi­çi­lik hem-de to­hum­çy­lyk işi­ni ne­ti­je­li alyp bar­mak, it­le­riň bu to­hu­my­na tä­lim ber­me­giň in­çe syr­la­ry­ny ýaş ne­sil­le­re öw­ret­mek, bu ugur­da ha­ly­pa-şä­girt­lik ýo­lu­ny do­wam et­dir­mek­de özü­ni gör­ke­zen hü­när­men­le­ri hö­wes­len­dir­mek mak­sa­dy bi­len, «Türk­me­nis­ta­nyň at ga­za­nan it­şy­na­sy» we «Türk­me­nis­ta­nyň halk it­şy­na­sy» di­ýen hor­mat­ly at­la­ryň dö­re­dil­me­gi bu ugur­da edil­ýän ta­gal­la­la­ryň aý­dyň my­sa­ly­dyr.

Hor­mat­ly Pre­zi­den­ti­miz!

Si­zi Türk­me­nis­ta­nyň «Türk­men ala­baý it­le­ri­ni ös­dü­rip ýe­tiş­dir­mek däp­le­ri» at­ly mil­li hö­dür­na­ma­nyň Bir­le­şen Mil­let­ler Gu­ra­ma­sy­nyň Bi­lim, ylym we me­de­ni­ýet me­se­le­le­ri bo­ýun­ça gu­ra­ma­sy­nyň Adam­za­dyň mad­dy däl me­de­ni mi­ra­sy­nyň sa­na­wy­na gi­ri­zil­me­gi my­na­sy­bet­li türk­men hal­ky­nyň hem-de Türk­me­nis­ta­nyň Halk Mas­la­ha­ty­nyň adyn­dan ýe­ne-de bir ge­zek tüýs ýü­rek­den gut­la­ýa­ryn. Si­ziň ja­ny­ňyz sag, öm­rü­ňiz uzak, ýur­du­my­zyň aba­dan dur­mu­şy­nyň, hal­ky­my­zyň bag­ty­ýar­ly­gy­nyň bäh­bi­di­ne dur­mu­şa ge­çir­ýän be­ýik iş­le­ri­ňiz he­mi­şe ro­waç bol­sun!

Si­zi hor­mat­la­mak bi­len,

Türk­men hal­ky­nyň Mil­li Li­de­ri, 
Türk­me­nis­ta­nyň Halk Mas­la­ha­ty­nyň Baş­ly­gy, 
Gah­ry­man Ar­ka­dag 
Gurbanguly BERDIMUHAMEDOW.

Şu gün hormatly Prezidentimiz Serdar Berdimuhamedow Russiýa Federasiýasynyň Prezidenti Wladimir Putin bilen duşuşdy.

Döwlet Baştutanymyz belent mertebeli myhmany mähirli mübärekläp, Halkara parahatçylyk we ynanyşmak ýylyna, Halkara Bitaraplyk gününe we Türkmenistanyň hemişelik Bitaraplygynyň 30 ýyllygyna bagyşlanan halkara foruma gatnaşmaga çakylygy kabul edendigi üçin minnetdarlyk bildirdi. Bellenilişi ýaly, Wladimir Putiniň bu foruma gatnaşmagy Türkmenistanyň Bitaraplyk syýasatynyň goldanylýandygyny tassyklaýar.

Russiýa Federasiýasynyň Prezidenti döwlet Baştutanymyzy bu günki çäräniň üstünlikli geçirilmegi, şeýle hem Türkmenistanyň hemişelik Bitaraplygynyň 30 ýyllygy bilen tüýs ýürekden gutlap, ýurdumyzyň alyp barýan Bitaraplyk syýasatyna ýokary baha berdi. Nygtalyşy ýaly, Türkmenistanyň oňyn Bitaraplyga esaslanýan daşary syýasaty sebitde durnuklylygy üpjün etmäge ýardam berýär, dünýä ýurtlary, şol sanda Russiýa bilen ikitaraplaýyn gatnaşyklary ösdürmek üçin amatly şertleri döredýär.

Hormatly Prezidentimiz Russiýa Federasiýasy bilen strategik hyzmatdaşlygyň ösdürilmeginiň Türkmenistanyň daşary syýasatynyň ileri tutulýan ugurlarynyň biri bolup durýandygyny belledi we ýurtlarymyzyň arasyndaky däp bolan gatnaşyklaryň ozaldan gelýän dostluga, ynanyşmaga, özara düşünişmäge esaslanýandygyny aýtdy. Söwda-ykdysady ulgam türkmen-rus hyzmatdaşlygynyň gün tertibinde aýratyn orun eýeleýär. Medeni-ynsanperwer ulgam hem özara hyzmatdaşlygyň möhüm bölegi bolup çykyş edýär. Şunda ylym, bilim, saglygy goraýyş, medeniýet ulgamlaryndaky hyzmatdaşlyga aýratyn ähmiýet berilýär. Şunuň bilen baglylykda, hormatly Prezidentimiz Türkmenistanyň Russiýa Federasiýasy bilen hemmetaraplaýyn köpugurly hyzmatdaşlyga taýýardygyny tassyklap, türkmen-rus gatnaşyklarynyň iki ýurduň halklarynyň bähbidine mundan beýläk-de pugtalandyryljakdygyna ynam bildirdi.

Duşuşygyň ahyrynda döwlet Baştutanymyz Serdar Berdimuhamedow we Russiýa Federasiýasynyň Prezidenti Wladimir Putin birek-birege iň gowy arzuwlaryny beýan etdiler.

Türkmenistan Birleşen Milletler Guramasy bilen hyzmatdaşlykda Parahatçylyk we bitaraplyk uniwersitetini döretmegi teklip edip, möhüm halkara başlangyjy beýan etdi. Bu başlangyjy Türkmenistanyň Prezidenti Serdar Berdimuhamedow Halkara parahatçylyk we ynanyşmak ýyly, Halkara Bitaraplyk güni we Türkmenistanyň hemişelik Bitaraplygynyň 30 ýyllygy mynasybetli Aşgabatda geçirilen halkara forumda yglan etdi.

Döwlet Baştutanymyz özara bähbitli, dostlukly halkara gatnaşyklaryny özüniň Bitaraplyk syýasaty netijesinde ösdürýän Türkmenistanyň mysaly Bitaraplygyň uly mümkinçilikleriniň bardygyny we ony Ýer ýüzüniň dürli böleklerinde ulanyp boljakdygyny görkezýär diýip pikir edýändigini nygtady.

Hormatly Prezidentimiz Serdar Berdimuhamedow: «Şunuň bilen baglylykda, parahatçylygy döretmek ulgamynda öňüni alyş diplomatiýasynyň syýasy-diplomatik serişdelerini we usullaryny giňden peýdalanýan Milletler Bileleşiginiň baý tejribesine esaslanyp, şeýle hem Bitaraplygyň tejribe häsiýetini ösdürmek we şunuň bilen baglylykda ylmy-barlag we bilim işini amala aşyrmak maksady bilen, Türkmenistan BMG bilen hyzmatdaşlykda Parahatçylyk we bitaraplyk uniwersitetini döretmegi teklip edýär» diýdi.

Döwlet Baştutanymyz bu başlangyjyň goldaw tapjakdygyna ynam bildirip, ýurdumyzyň dostlarymyz we hyzmatdaşlarymyz bilen şu meselä jikme-jik seretmäge taýýardygyny beýan etdi.

Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Birleşen Milletler Guramasynyň Baş sekretarynyň Ýörite wekili, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Kaha Imnadze bilen duşuşdy.

Kaha Imnadze wagt tapyp kabul edendigi üçin tüýs ýürekden hoşallyk bildirip, Gahryman Arkadagymyza BMG-niň Baş sekretary Antoniu Guterrişiň mähirli salamyny ýetirdi hem-de Türkmenistanyň ählumumy parahatçylygy we sebitde durnukly ösüşi üpjün etmäge gönükdirilen başlangyçlaryna BMG-de ýokary baha berilýändigini aýtdy. Şeýle hem ol türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlangyjy bilen döredilen BMG-niň Merkezi Aziýa üçin öňüni alyş diplomatiýasy boýunça sebit merkezi tarapyndan alnyp barylýan işleri ilerletmekde döwletimiziň uly goşandyny belledi.

Gahryman Arkadagymyz hoşniýetli sözler üçin minnetdarlyk bildirip, BMG-niň Baş sekretaryna iň gowy arzuwlaryny beýan etdi hem-de Halkara Bitaraplyk gününiň öňüsyrasynda BMG-niň Baş sekretarynyň Ýörite wekili bilen duşuşýandygyna örän şatdygyny aýtdy.

Nygtalyşy ýaly, 2025-nji ýyl Türkmenistanyň başlangyjy boýunça “Halkara parahatçylyk we ynanyşmak ýyly” diýlip yglan edildi. Bu ýylyň BMG-niň Baş Assambleýasy tarapyndan üç gezek ykrar edilen Türkmenistanyň hemişelik Bitaraplygynyň 30 ýyllygyna hem-de BMG-niň döredilmeginiň 80 ýyllygyna gabat gelmegi onuň many-mazmunyny has-da artdyrýar. Şunuň bilen baglylykda, Milli Liderimiz şanly seneler mynasybetli ýurdumyzda we daşary ýurtlarda birnäçe çäreleriň geçirilendigini belläp, ýakynda ak mermerli paýtagtymyz Aşgabatda dünýäniň köp ýurdundan ýokary derejeli wekilleriň gatnaşmagynda geçiriljek halkara forumyň şu ýylyň esasy wakasyna öwrüljekdigini aýtdy hem-de bu forumyň halkara gün tertibiniň, durnukly ösüşiň we ynsanperwer hyzmatdaşlygyň möhüm meselelerini ara alyp maslahatlaşmak üçin netijeli meýdança boljakdygyna ynam bildirdi.

Kaha Imnadze şeýle giň gerimli forumyň geçirilmeginiň Türkmenistanyň parahatçylygyň we abadançylygyň bähbidine öňe sürýän döredijilikli başlangyçlarynyň yzygiderli goldawa eýe bolýandygynyň ýene bir aýdyň mysalydygyny nygtady. Bellenilişi ýaly, häzirki wagtda Türkmenistan bilen Birleşen Milletler Guramasynyň arasyndaky hyzmatdaşlyk strategik we uzak möhletleýin häsiýete eýedir. Ýurdumyz BMG-niň ählumumy meseleleri we häzirki zaman wehimlerini çözmekdäki esasy ornuny yzygiderli goldaýar.

Gahryman Arkadagymyz Türkmenistanyň parahatçylygy goldamak, öňüni alyş diplomatiýasynyň mümkinçiliklerinden peýdalanmak, energetika howpsuzlygyny üpjün etmek, üstaşyr ulag geçelgelerini döretmek, daşky gurşawy goramak boýunça birnäçe başlangyçlary öňe sürýändigini aýtdy hem-de olaryň halkara bileleşik tarapyndan giň goldawa eýe bolýandygyny kanagatlanma bilen belledi.

Milli Liderimiz hormatly Prezidentimiziň BMG-niň Baş Assambleýasynyň 80-nji sessiýasynyň plenar mejlisine gatnaşmak maksady bilen, Amerikanyň Birleşen Ştatlaryna amala aşyran iş saparynyň möhüm ähmiýetini belledi. Bu ýubileý sessiýanyň dowamynda döwlet Baştutanymyz Durnukly ösüş maksatlaryna ýetmek boýunça möhüm başlangyçlar bilen çykyş etdi hem-de Türkmenistan bilen BMG-niň özara hyzmatdaşlygynyň ugurlaryny kesgitledi.

Duşuşygyň dowamynda türkmen halkynyň Milli Lideri sebitde durnukly ösüşi üpjün etmekde, hoşniýetli goňşuçylygy we dostlukly gatnaşyklary pugtalandyrmakda BMG-niň Merkezi Aziýa üçin öňüni alyş diplomatiýasy boýunça sebit merkeziniň möhüm ornuny belledi.

BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Gahryman Arkadagymyza hem-de hormatly Prezidentimize sebit merkeziniň işine berýän yzygiderli goldawlary üçin tüýs ýürekden hoşallygyny beýan edip, ýurdumyz bilen bilelikdäki işiň baý tejribesine, uly mümkinçiliklere esaslanýan netijeli hyzmatdaşlygyň mundan beýläk-de pugtalandyryljakdygyna ynam bildirdi.

Duşuşygyň ahyrynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hem-de BMG-niň Baş sekretarynyň Ýörite wekili, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Kaha Imnadze birek-birege iň gowy arzuwlaryny beýan etdiler.

Şu gün Türkmenistanyň Daşary işler ministrliginiň Halkara gatnaşyklary institutynda hormatly Prezidentimiz Serdar Berdimuhamedowyň ýiti zehininden dörän “Türkmenistanyň Bitaraplygy — parahatçylygyň we ynanyşmagyň aýdyň ýoly” atly täze kitabynyň tanyşdyrylyş dabarasy boldy. Arkadagly Gahryman Serdarymyzyň täze kitaby ýurdumyzda giňden bellenilýän şanly sene mynasybetli baýramçylyk sowgady hökmünde kabul edildi.

Türkmenistanyň hemişelik Bitaraplygynyň 30 ýyllygynyň bellenilýän günlerinde hormatly Prezidentimiziň täze kitabynyň tanyşdyrylyş dabaralaryna badalga berilmegi şanly senäniň hormatyna guralýan dürli derejeli çäreleriň many-mazmun taýdan has-da baýlaşmagyny şertlendirdi. Mälim bolşy ýaly, Arkadagly Gahryman Serdarymyz 6-njy dekabrda geçirilen Ministrler Kabinetiniň giňişleýin mejlisinde şu ýylyň jemlenmegi bilen bagly «Türkmenistanyň Bitaraplygy — parahatçylygyň we ynanyşmagyň aýdyň ýoly» atly kitabyny ýazyp tamamlandygyny habar berdi. “Kitapda Birleşen Milletler Guramasynyň Baş Assambleýasy tarapyndan üç gezek ykrar edilen hemişelik Bitaraplygymyzyň ähmiýeti, dünýäde parahatçylygy we ynanyşmagy üpjün etmäge gönükdirilen taryhy başlangyçlar giňden beýan edilýär. Şeýle hem onda ýurdumyzda ýetilen belent sepgitleriň, gazanan üstünliklerimiziň jemi jemlenýär. Şoňa görä-de, bu kitap mähriban halkymyza sowgat bolar” diýip, döwlet Baştutanymyz belledi.

Türkmenistanyň Daşary işler ministrliginiň Halkara gatnaşyklary institutynda geçirilen dabara gatnaşyjylar, ilki bilen, ýokary okuw mekdebiniň foýesinde ýaýbaňlandyrylan sergi bilen tanyşdylar. Bu ýerde institutyň talyplarynyň ýerine ýetiren “Bitaraplyk — biziň baky bagtymyz” atly edebi-sazly kompozisiýasy hormatly Prezidentimiziň zehininden dörän täze kitabynyň tanyşdyrylyş dabarasynyň özboluşly badalgasy boldy.

Dabaranyň dowamynda çykyş edenler döwlet Baştutanymyzyň täze kitabynyň 9 bölümden ybarat bolup, onda türkmen Bitaraplygynyň geçen ýolunyň, ýurdumyzyň BMG-niň Baş Assambleýasynyň degişli Kararnamalary bilen üç gezek ykrar edilen Bitaraplyk hukuk derejesiniň dünýäde parahatçylygy, howpsuzlygy we durnukly ösüşi üpjün etmekdäki ähmiýetiniň giňden beýan edilendigini nygtadylar. Bellenilişi ýaly, Türkmenistanyň hemişelik Bitaraplygy 30 ýylyň içinde özboluşly ösüş ýoluny geçip, sebit we ählumumy derejede durnuklylygy üpjün etmekde ähmiýetli gurala öwrüldi. Şeýle hem çykyşlarda ýurdumyzyň Bitaraplyk syýasatynyň häzirki zaman durmuşynyň ähli ugurlaryny öz içine alýan netijeli halkara hyzmatdaşlygyň ygtybarly binýady hökmünde ykrar edilendigi barada aýdyldy.

Arkadagly Gahryman Serdarymyzyň täze kitabynyň ilkinji tanyşdyrylyş dabarasyna gatnaşyjylar şanly sene mynasybetli şeýle ajaýyp kitaby baýramçylyk sowgady hökmünde halkymyza peşgeş berendigi üçin hormatly Prezidentimize tüýs ýürekden çykýan hoşallyklaryny beýan etdiler. Kitabyň “Halkara parahatçylyk we ynanyşmak ýyly: taryhy resminamalar, gutlaglar, çykyşlar” atly jemleýji bölüminde ýurdumyzyň Bitaraplyk ýyllary içinde ýola goýan gatnaşyklaryna, hormatly Prezidentimiziň halkara forumlarda eden çykyşlaryna we ikitaraplaýyn hem-de köptaraplaýyn esasda baglaşylan halkara ylalaşyklara möhüm orun berlipdir.

Nygtalyşy ýaly, häzirki döwürde BMG-niň ýurdumyzda işleýän edaralary bilen eneligi we çagalygy goramak, zenanlaryň saglygy, çaga lukmançylygy, bilimi, çagalara durmuş hyzmatlaryny bermek meselelerinde hyzmatdaşlyk etmek hakynda 30-a golaý resminama gol çekildi. Olaryň üstünlikli durmuşa geçirilmegi ugrunda degişli işler alnyp barylýar. Çykyş edenler Arkadagly Gahryman Serdarymyzyň halkymyza baýramçylyk mynasybetli sowgat eden kitabynyň dürli ulgamlarda işleýän hünärmenler, diplomatlar, halkara hyzmatdaşlygyň möhüm meselelerini öwrenýän alymlar, žurnalistler üçin gymmatly gollanma boljakdygyna ynam bildirdiler.

Kitap ýokary çaphana usulynda neşir edilip, üç dilde — türkmen, iňlis we rus dillerinde giň halk köpçüligine ýetirildi. Onuň sahypalarynda şekillendiriş sungatynyň dürli žanrlary boýunça suratlar ýerleşdirilip, kitabyň bezeg aýratynlyklarynа möhüm ähmiýet berlipdir.

Tanyşdyrylyş dabarasynyň dowamynda täze kitabyň mazmuny baradaky çykyşlaryň bu eserden bölekleriň mysal getirilmegi arkaly beýan edilmegi has-da täsirli boldy. Döwlet Baştutanymyzyň bu eseri türkmen halkynyň ynsanperwer ýörelgelerini esasy ugur edinýän Bitaraplyk hukuk derejesiniň ähmiýetine has giňişleýin düşünmek üçin ygtybarly gollanma bolup hyzmat eder.

Hormatly Prezidentimiziň “Türkmenistanyň Bitaraplygy — parahatçylygyň we ynanyşmagyň aýdyň ýoly” atly täze kitabynyň tanyşdyrylyş dabarasy Aşgabat şäher häkimliginde hem geçirildi.

Şu gün hormatly Prezidentimiz Serdar Berdimuhamedow welaýatlaryň häkimleriniň, ýurdumyzyň daşary ýurtlardaky diplomatik wekilhanalarynyň, konsullyk edaralarynyň we halkara guramalaryň ýanyndaky wekilhanalarynyň ýolbaşçylarynyň gatnaşmagynda Ministrler Kabinetiniň giňişleýin mejlisini geçirdi. Onda Bitarap döwletimiziň halkara giňişlikde alyp barýan daşary syýasatyna degişli möhüm meseleler ara alnyp maslahatlaşyldy.

Döwlet Baştutanymyz mejlisi açyp, 12-nji dekabrda uly baýramyň — Halkara Bitaraplyk gününiň bellenilip geçiljekdigini aýtdy hem-de ýygnananlary we mähriban halkymyzy Türkmenistanyň hemişelik Bitaraplygynyň şanly 30 ýyllygy bilen tüýs ýürekden gutlady. “Hemişe bolşy ýaly, biz jenaýat edendikleri üçin iş kesilen we eden etmişlerine ökünip, ak ýürekden toba gelen raýatlarymyzyň günäsini geçýäris. Olary jeza çekmekden boşatmak ýaly sahawatly çäreleri geçirip durýarys” diýip, hormatly Prezidentimiz aýtdy.

Soňra Döwlet howpsuzlyk geňeşiniň sekretary, Türkmenistanyň Prezidentiniň ýanyndaky Raýatlyk we günä geçmek meseleleri boýunça teklipleri taýýarlamak baradaky toparyň başlygy B.Gündogdyýewe söz berildi. Ol iş kesilen adamlaryň Halkara Bitaraplyk güni mynasybetli günäsini geçmek boýunça geçirilen işler barada hasabat berdi.

Hormatly Prezidentimiz hasabaty diňläp, asylly däbe eýerip, iş kesilen 231 raýatyň Halkara Bitaraplyk güni mynasybetli günäsini geçmek hakynda Permana gol çekdi hem-de toparyň ýolbaşçysyna hukuk goraýjy edaralaryň ýolbaşçylary bilen bilelikde günäsi geçilen adamlary tussaglykdan boşadyp, olar ýakyn wagtda öýlerine, maşgala agzalarynyň arasyna barar ýaly ähli zerur işleri geçirmegi tabşyrdy. Döwlet Baştutanymyz günäsi geçilen adamlara bolsa yhlasly zähmet çekip, Watanymyza ak ýürekden hyzmat edip, halal zähmetiň hözirini görüp ýaşamagy arzuw etdi.

Hormatly Prezidentimiz mejlise gatnaşyjylara ýüzlenip, şu gün 2025-nji ýylda Türkmenistanyň halkara hyzmatdaşlygyna degişli alnyp barlan işleriň jemleriniň jemlenjekdigini, ýurdumyzyň daşary syýasatynyň möhüm ugurlarynyň we geljek ýyl üçin ileri tutulýan wezipeleriň ara alnyp maslahatlaşyljakdygyny aýtdy. “Bu işlerde Garaşsyz döwletimiziň hemişelik Bitaraplyk hukuk ýagdaýyndan hem-de “Türkmenistanyň daşary syýasat ugrunyň 2022 — 2028-nji ýyllar üçin Konsepsiýasynda” öňde goýlan wezipelerden ugur alýarys” diýip, döwlet Baştutanymyz belledi.

Soňra Ministrler Kabinetiniň Başlygynyň orunbasary, daşary işler ministri R.Meredowa söz berildi. Ol, ilki bilen, Türkmenistanyň diplomatik gullugynyň ähli işgärleriniň adyndan hormatly Prezidentimizi ýurdumyzyň hemişelik Bitaraplygynyň şanly 30 ýyllygy, Halkara Bitaraplyk güni bilen tüýs ýürekden gutlap, döwlet Baştutanymyza berk jan saglyk, abadançylyk, döwlet we halkara işlerinde uly üstünlikleri arzuw etdi. Şeýle-de ol döwletimiziň daşary syýasatyna, halkara hyzmatdaşlygyna bagyşlanan Ministrler Kabinetiniň giňişleýin mejlisini geçirýändigi üçin Türkmenistanyň Daşary işler ministrliginiň, daşary ýurtlardaky diplomatik wekilhanalarynyň we konsullyk edaralarynyň ýolbaşçylarynyň adyndan hormatly Prezidentimize tüýs ýürekden hoşallyk bildirdi.

Bellenilişi ýaly, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň ýoluny dowam etdirýän döwlet Baştutanymyzyň parasatly ýolbaşçylygynda ýurdumyzyň daşary syýasaty “Bitarap Türkmenistanyň daşary syýasat ugrunyň 2022 — 2028-nji ýyllar üçin Konsepsiýasynyň” esasynda durmuşa geçirilýär. Mälim bolşy ýaly, ýurdumyzyň Bitaraplyk ýörelgelerine esaslanýan döwrebap daşary syýasatynyň binýatlary Gahryman Arkadagymyz tarapyndan köp ýyllaryň dowamynda yzygiderli ösdürilýär. Türkmen halkynyň Milli Lideriniň döwletimize baştutanlyk eden ýyllarynda öňe süren “Ösüş arkaly parahatçylyk” şygary ösüşiň ähli ugurlarynyň diňe durnuklylyk we parahatçylyk şertlerinde mümkin bolýandygyny aýdyň görkezýär. Gahryman Arkadagymyz tarapyndan öňe sürlen “Dialog — parahatçylygyň kepili” atly filosofiýa bolsa häzirki zaman halkara gatnaşyklarynda täze filosofik garaýyş bolmak bilen, ýüze çykýan halkara we döwletara meseleleriň diňe dialog, ýagny gepleşikler we syýasy-diplomatik serişdeler arkaly çözülmeginiň zerurdygyny nygtaýar. Şol bir wagtda hormatly Prezidentimiz tarapyndan teklip edilen “Parahatçylyk we ynanyşmak” ýörelgesi dünýäde durnukly ösüşi güýçlendirmegiň halklardyr döwletleriň arasynda ynanyşmagy pugtalandyrmak arkaly mümkindigini subut edýär. Bu başlangyçlar bir bitewi düşünjäni emele getirip, ol parahatçylygyň ösüşi döredýändigi, ynanyşmagyň bolsa netije hökmünde howpsuzlygy we durnukly ösüşi berkidýändigi baradaky çuňňur pikiri özünde jemleýär.

Wise-premýer, daşary işler ministri bu wajyp syýasy taglymatlaryň häzirki döwrüň halkara şertlerinde halklaryň we döwletleriň jebisleşmegi, parahatçylyk hem-de ynanyşmak medeniýetiniň dünýä syýasatynyň derwaýys şerti hökmünde kesgitlenilmegi üçin ygtybarly esas bolup hyzmat edýändigini, ýurdumyzyň bu gymmatlyklary dünýä bileleşiginiň derejesinde öňe sürýän başlangyçlary arkaly durmuşa geçirmäge işjeň gatnaşýandygyny belledi. Döwlet Baştutanymyzyň Birleşen Milletler Guramasynyň Baş Assambleýasynyň 80-nji sessiýasynyň ýokary derejeli plenar mejlisinde eden çykyşynda öňe süren teklipdir başlangyçlary hem ýurdumyzyň halkara hyzmatdaşlygyny mundan beýläk-de täze many-mazmun bilen baýlaşdyrmaga gönükdirilendir. Türkmen diplomatlary olary döwletimiz tarapyndan BMG we beýleki halkara düzümler bilen bilelikde iş ýüzünde amala aşyrarlar.

R.Meredow hormatly Prezidentimiziň Türkmenistanyň diplomatik gullugynyň işlerine aýratyn üns berýändigini, bu gulluga hemmetaraplaýyn ýardam edýändigini, hususan-da, onuň guramaçylyk, hukuk, maliýe we maddy-tehniki binýadyny kämilleşdirmek, işgärleriň iş, ýaşaýyş-durmuş şertlerini gowulandyrmak babatda yzygiderli goldaw berýändigini aýdyp, döwlet Baştutanymyza diplomatik gullugyň ähli işgärleriniň adyndan tüýs ýürekden hoşallyk bildirdi. Şol bir wagtda hormatly Prezidentimiziň diplomatik işgärleri taýýarlamak we olaryň hünär derejesini ýokarlandyrmak boýunça berýän ýardamlarynyň diplomatlar üçin aýratyn gymmatlydygyna üns çekildi.

Mälim bolşy ýaly, daşary syýasatyň üstünlikli alnyp barylmagynda halkara diplomatiýa, halkara hukuk, ykdysadyýet, žurnalistika we beýleki ugurlar boýunça ussat hünärmenler zerur bolup durýar. Gahryman Arkadagymyzyň başlangyjy bilen 2008-nji ýylyň 20-nji martynda döredilen Türkmenistanyň Daşary işler ministrliginiň Halkara gatnaşyklary instituty ýurdumyzyň diplomatik işgärlerini taýýarlamakda möhüm orny eýeleýär. Geçen 17 ýylyň dowamynda bu milli diplomatiýa mekdebi ýüzlerçe hünärmeni taýýarlady. Häzirki wagtda olar ýurdumyzyň dürli edaralarynda zähmet çekip, döwletimiziň daşary syýasatynyň üstünlikli amala aşyrylmagyna, halkara abraýynyň has-da artdyrylmagyna mynasyp goşantlaryny goşýarlar.

Çykyşynyň ahyrynda wise-premýer, daşary işler ministri hormatly Prezidentimiziň we Gahryman Arkadagymyzyň Türkmenistanyň hemişelik Bitaraplyk derejesine, parahatçylyk söýüjilik, hoşniýetli goňşuçylyk ýörelgelerine esaslanýan daşary syýasatyny mundan beýläk-de netijeli durmuşa geçirmek üçin Türkmenistanyň diplomatik gullugy tarapyndan ähli zerur işleriň amala aşyryljakdygyna ynandyryp, döwlet Baştutanymyza hem-de türkmen halkynyň Milli Liderine berk jan saglyk, il-ýurt bähbitli tutumly işleriniň hemişe rowaç bolmagyny arzuw etdi.

Soňra hormatly Prezidentimiz mejlise gatnaşyjylara ýüzlenip, Türkmenistanyň başlangyjy boýunça Birleşen Milletler Guramasynyň Baş Assambleýasy tarapyndan “2025-nji ýyl — Halkara parahatçylyk we ynanyşmak ýyly” atly Kararnamanyň biragyzdan kabul edilmeginiň möhüm syýasy wakalaryň biri bolandygyny aýtdy. Şunuň bilen baglylykda, döwlet Baştutanymyz 2025-nji ýylda wajyp ähmiýetli halkara çäreleriň geçirilendigini belledi.

“Birleşen Milletler Guramasynyň esaslandyrylmagynyň 80 ýyllyk ýubileýi bilen ýurdumyzyň hemişelik Bitaraplygynyň şanly 30 ýyllygynyň gabat gelmegi Halkara parahatçylyk we ynanyşmak ýylynyň ähmiýetini has-da artdyrdy. Şu ýyl Birleşen Milletler Guramasynyň Baş Assambleýasynyň 79-njy sessiýasynyň 61-nji plenar mejlisinde bolsa ýurdumyzyň başlangyjy bilen «Türkmenistanyň hemişelik Bitaraplygy» atly Kararnama biragyzdan kabul edildi. Eziz Watanymyzyň hemişelik Bitaraplyk hukuk ýagdaýynyň Birleşen Milletler Guramasy tarapyndan üçünji gezek ykrar edilmegi biziň alyp barýan Bitaraplyk syýasatymyzyň mynasyp dowam etdirilýändiginiň aýdyň beýanydyr” diýip, hormatly Prezidentimiz nygtady.

Halkara parahatçylyk we ynanyşmak ýyly hem-de hemişelik Bitaraplygymyzyň şanly 30 ýyllygy ýurdumyzda we daşary ýurtlarda giňden bellenildi. Bu ugurda köp sanly iri çäreler geçirildi, möhüm resminamalar kabul edildi. Şu ýyl «Awaza» milli syýahatçylyk zolagynda Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahaty ýokary derejede geçirildi. Türkmenistanyň halkara abraýyny has-da artdyran bu maslahatyň jemleri boýunça Awaza syýasy Jarnamasy kabul edildi, şeýle hem 2024 — 2034-nji ýyllar üçin Hereketleriň Awaza maksatnamasy yglan edildi. Birleşen Milletler Guramasynyň Baş Assambleýasynyň 80-nji sessiýasynyň 18-nji plenar mejlisinde bolsa «Awaza syýasy Jarnamasy» atly Kararnama biragyzdan kabul edildi. Ýurdumyzyň oňyn Bitaraplyk syýasatynyň döwletimiziň milli kanunçylygyndaky ornuny has-da berkitmek maksady bilen, «Bitarap Türkmenistanyň parahatçylyk we ynanyşmak syýasatynyň hukuk esaslary hakynda» Türkmenistanyň Konstitusion kanuny kabul edildi.

Hormatly Prezidentimiz ýakyn günlerde paýtagtymyz Aşgabat şäherinde geçiriljek Halkara parahatçylyk we ynanyşmak ýylynyň wekilçilikli forumynyň bolsa döwletimiziň parahatçylyk söýüjilikli taglymatyny dünýä ýaýmakda möhüm ähmiýete eýe boljakdygyny belledi. Bu halkara forum parahatçylyk söýüji döwlet hökmünde Türkmenistanyň abraýyny has-da belende göterer, dünýä bileleşigi tarapyndan biziň ýurdumyza, türkmen halkyna, onuň alyp barýan oňyn Bitaraplyk syýasatyna uly hormat bilen garalýandygyny görkezer. Bu wakalaryň ählisi Türkmenistanyň daşary syýasatyny giňden beýan etmek bilen, bütin dünýäde parahatçylygy, durnukly ösüşi üpjün etmek, ynanyşmak esasynda gatnaşyklary ösdürmek ugrunda alnyp barylýan işleri has-da dabaralandyrýar. Şunuň bilen baglylykda, döwlet Baştutanymyz bu ugurda halkara guramalar bilen ýola goýlan işleri mundan beýläk-de ösdürmegi netijeli dowam etdirmegiň möhümdigini nygtady.

Arkadagly Gahryman Serdarymyz sözüni dowam edip, geljek, 2026-njy ýylda ýurdumyzyň daşary syýasat we diplomatiýa işiniň esasy wezipesiniň Birleşen Milletler Guramasynyň Baş Assambleýasy tarapyndan Türkmenistanyň başlangyjy boýunça kabul edilen Kararnamalary öňe sürmekden we durmuşa geçirmekden ybaratdygyna ünsi çekdi. Häzirki wagtda Türkmenistan Birleşen Milletler Guramasy bilen bilelikdäki maksatnamalary durmuşa geçirmek babatda degişli işleri alyp barýar. Şunuň bilen baglylykda, hormatly Prezidentimiz «Türkmenistan — Birleşen Milletler Guramasy» strategik maslahat beriş geňeşiniň wajyp ähmiýetiniň bardygyny aýratyn belledi.

“Bitarap Türkmenistanyň daşary syýasat ugrunyň Konsepsiýasy örän giň gerimlidir we köp sanly ugurlary öz içine alýar. Geljek ýylda-da Türkmenistan ikitaraplaýyn hem-de köptaraplaýyn derejede hyzmatdaşlygy berkitmegi dowam etdirer. Goňşy ýurtlar bilen gatnaşyklar ileri tutulýan ugur bolup durýar. Şoňa görä-de, Türkmenistan Merkezi Aziýa ýurtlaryndaky, şeýle hem Hazarýaka sebitdäki döwletler bilen doganlyk, hoşniýetli goňşuçylyk we birek-birege hormat goýmaga esaslanýan gatnaşyklary dowam etdirer” diýip, hormatly Prezidentimiz nygtady. Şeýle hem Ykdysady Hyzmatdaşlyk Guramasyna girýän döwletler bilen ykdysady, energetika, ulag-aragatnaşyk ulgamlarynda ysnyşykly hyzmatdaşlyk alnyp barlar. Türkmenistan Günorta Aziýanyň, Ýakyn we Orta Gündogaryň, Aziýa — Ýuwaş umman sebitiniň döwletleri bilen hyzmatdaşlygy has-da ösdürer. Häzirki döwürde bu sebitlerde ählumumy ykdysady we tehnologik ösüşler gazanylýar. Döwlet Baştutanymyz bu sebitleriň ýurtlarynyň hem Türkmenistan bilen hyzmatdaşlyga uly gyzyklanma bildirýändiklerine ünsi çekdi.

“Biz Aziýadan Ýewropa üstaşyr ulag geçelgesiniň bölegi bolan «Beýik Ýüpek ýoluny gaýtadan dikeltmek» strategiýasyny amala aşyrmagyň üstünde-de degişli işleri ýerine ýetirmeli. Ýewropa ýurtlary bilen birek-birege hormat goýmaga esaslanýan, deňhukukly we özara bähbitli gatnaşyklary ösdürmek hem dowam etdiriler. Şol ýurtlar bilen ýokary tehnologiýalar ulgamynda, «ýaşyl» energetika geçmekde, emeli aňy ornaşdyrmakda hyzmatdaşlyk etmäge aýratyn üns bermeli. Biz Demirgazyk we Günorta Amerikanyň, Afrika yklymynyň döwletleri bilen hem gatnaşyklarymyzy yzygiderli ösdüreris. Şunda Birleşen Milletler Guramasynda we beýleki halkara düzümlerde hyzmatdaşlygy bellemek isleýärin” diýip, döwlet Baştutanymyz aýtdy.

Hormatly Prezidentimiz mejlise gatnaşyjylara ýüzlenip, geljek ýylda hem köp sanly halkara çäreleriň geçirilmeginiň meýilleşdirilýändigine ünsi çekdi. 2026-njy ýylda ýurdumyzyň baş baýramy — mukaddes Garaşsyzlygymyzyň 35 ýyllyk toýy giňden bellenip geçiler. Merkezi Aziýa döwletleriniň Baştutanlarynyň sekizinji konsultatiw duşuşygy Türkmenistanda geçiriler. Geljek ýylda Türkmenistan Garaşsyz Döwletleriň Arkalaşygynda başlyklyk eder. Ýurdumyzda GDA-nyň döwlet Baştutanlarynyň Geňeşiniň nobatdaky mejlisi guralar. Hormatly Prezidentimiz halkara giňişlikde Garaşsyz, baky Bitarap Türkmenistanyň bähbitlerini goramakda ýurdumyzyň diplomatik gullugynyň işgärleriniň uly işleri alyp barjakdygyna berk ynam bildirdi.

Soňra döwlet Baştutanymyz Türkmenistanyň diplomatik gullugynyň maliýe meseleleri hakynda Karara, şeýle-de ýurdumyzyň raýatlaryny hem-de daşary ýurt raýatlaryny «Türkmenistanyň Bitaraplygynyň 30 ýyllygyna» atly ýubileý medaly we ýadygärlik nyşany bilen sylaglamak hakynda resminamalara gol çekdi.

Soňra Türkmenistanyň Birleşen Milletler Guramasynyň ýanyndaky hemişelik wekili, Türkmenistanyň Gahrymany A.Ataýewa söz berildi. Ol, ilki bilen, hormatly Prezidentimizi we Gahryman Arkadagymyzy, mejlise gatnaşyjylary Halkara Bitaraplyk güni, ýurdumyzyň hemişelik Bitaraplygynyň 30 ýyllygy bilen tüýs ýürekden gutlady.

Bellenilişi ýaly, tamamlanyp barýan Halkara parahatçylyk we ynanyşmak ýyly ýurdumyzyň ählumumy parahatçylygy, durnukly ösüşi üpjün etmegiň bähbidine dünýäniň halklary we döwletleri bilen oňyn, dostlukly gatnaşyklary ösdürmäge, iri halkara guramalar, ilkinji nobatda, Birleşen Milletler Guramasy bilen hyzmatdaşlygy pugtalandyrmaga gönükdirilen daşary syýasatynyň ileri tutulýan ugurlarynyň yzygiderli amala aşyrylýandygyny, döwletimiziň halkara abraýynyň barha artýandygyny aýdyň görkezdi. Ýylyň dowamynda Türkmenistanyň BMG-niň ýanyndaky hemişelik wekilhanasynyň işgärleri “Bitarap Türkmenistanyň daşary syýasat ugrunyň 2022 — 2028-nji ýyllar üçin Konsepsiýasyndan” ugur alyp, öz işini Türkmenistanyň halkara giňişlikdäki abraýyny has-da ýokarlandyrmaga, hormatly Prezidentimiziň we Gahryman Arkadagymyzyň parahatçylygy, howpsuzlygy, ösüşi pugtalandyrmak babatda möhüm ähmiýetli başlangyçlaryny iş ýüzünde amala aşyrmaga gönükdirdiler.

Döwlet Baştutanymyzyň sentýabr aýynda BMG-niň Baş Assambleýasynyň 80-nji sessiýasynyň ýokary derejeli plenar mejlisine gatnaşmagy 2025-nji ýylyň möhüm wakalarynyň biri boldy. Nygtalyşy ýaly, hormatly Prezidentimiziň Baş Assambleýanyň belent münberinden eden çuň many-mazmunly çykyşynda ählumumy parahatçylygy, howpsuzlygy, köptaraplaýyn ynsanperwer we halkara hukuk hyzmatdaşlygyny ösdürmek ýaly ugurlar boýunça anyk teklipler we başlangyçlar öňe sürüldi. Türkmenistanyň Birleşen Milletler Guramasynyň ýanyndaky hemişelik wekili bu başlangyçlary iş ýüzünde durmuşa geçirmek maksady bilen ýerine ýetirilen işler barada hasabat berdi.

Döwlet Baştutanymyzyň halkara ähmiýetli tekliplerini amala aşyrmak babatda işleriň parahatçylygy we howpsuzlygy berkitmäge, durnukly ösüşi gazanmaga gönükdirilen ugurlar boýunça alnyp barylýandygy bellenildi.

Sebit we dünýä derejesinde parahatçylygy, howpsuzlygy pugtalandyrmak ugrundaky esasy çäreler Türkmenistanyň başlangyjy bilen BMG-niň Baş Assambleýasy tarapyndan yglan edilen Halkara parahatçylyk we ynanyşmak ýylynyň çäklerinde geçirildi. Şu ýylyň 17-nji ýanwarynda BMG-niň Nýu-Ýorkdaky ştab-kwartirasynda bu guramanyň ýolbaşçylarynyň we oňa agza ýurtlaryň wekilleriniň gatnaşmagynda Halkara parahatçylyk we ynanyşmak ýylynyň açylyş dabarasy boldy we 2025-nji ýylyň bilelikdäki “Ýol kartasy” kabul edildi. 21-nji martda bolsa Baş Assambleýanyň 61-nji plenar mejlisinde “Türkmenistanyň hemişelik Bitaraplygy” atly Kararnama biragyzdan kabul edildi. Baş Assambleýa tarapyndan Bu Kararnamanyň üçünji gezek kabul edilmegi ýurdumyzyň daşary syýasat ugrunda saýlap alan Bitaraplyk nusgasynyň taryhy ähmiýetiniň uludygyny görkezýär. Şunuň bilen birlikde, Türkmenistanyň başlangyjy bilen BMG-niň çäklerinde 2020-nji ýylda döredilen parahatçylygyň, howpsuzlygyň we durnukly ösüşiň bähbidine Bitaraplygyň dostlary toparyna agza ýurtlaryň sanynyň ýylsaýyn artýandygyny bellemek gerek.

Türkmenistanyň Birleşen Milletler Guramasynyň ýanyndaky hemişelik wekiliniň belleýşi ýaly, hormatly Prezidentimiziň sebit we dünýä derejesinde durnukly ösüşi gazanmak, halkara ykdysady gatnaşyklary ösdürmek ugrunda öňe süren başlangyçlaryny durmuşa geçirmek boýunça hem degişli işler amala aşyryldy. 2025-nji ýylyň awgustynda “Awaza” milli syýahatçylyk zolagynda geçirilen BMG-niň Deňze çykalgasy bolmadyk ösüp barýan döwletler boýunça üçünji maslahaty bu ugurda esasy halkara ähmiýetli wakalaryň biri boldy. BMG-niň howandarlygynda geçirilen bu çäräniň çäklerinde uzak möhletleýin we möhüm ähmiýetli halkara resminamalaryň, şol sanda 2024 — 2034-nji ýyllar üçin Hereketleriň Awaza maksatnamasynyň yglan edilendigi, Awaza syýasy Jarnamasynyň kabul edilendigi aýratyn nygtaldy. Häzirki wagtda bu resminamalary durmuşa geçirmek boýunça BMG-niň degişli düzümleri bilen bilelikde anyk işler alnyp barylýar.

2025-nji ýylyň 4-nji iýunynda Baş Assambleýa tarapyndan Türkmenistanyň 2026 — 2028-nji ýyllar üçin Birleşen Milletler Guramasynyň Ykdysady we Durmuş geňeşiniň agzalygyna biragyzdan saýlanylmagy halkara ykdysady ugurda gazanylan üstünlikleriň birine öwrüldi. Gazanylan bu netijeler hormatly Prezidentimiziň baştutanlygynda alnyp barylýan, Türkmenistanyň Bitaraplyk, parahatçylyk söýüjilik, hoşniýetli goňşuçylyk, giň halkara hyzmatdaşlyk ýörelgelerine esaslanýan daşary syýasatynyň netijeli häsiýete eýediginiň we onuň dünýä bileleşiginiň uzak möhletleýin bähbitlerine doly laýyk gelýändiginiň aýdyň güwäsidir.

A.Ataýewa üstünlikli işlemäge berilýän uly üns, döredilýän ajaýyp şertler üçin hormatly Prezidentimize we türkmen halkynyň Milli Lideri Gahryman Arkadagymyza türkmen diplomatlarynyň adyndan tüýs ýürekden hoşallyk bildirdi.

Soňra hormatly Prezidentimiz mejlise gatnaşyjylara ýüzlenip, şu ýylyň jemlenmegi bilen bagly «Türkmenistanyň Bitaraplygy — parahatçylygyň we ynanyşmagyň aýdyň ýoly» atly kitabyny ýazyp tamamlandygyny habar berdi. “Kitapda Birleşen Milletler Guramasynyň Baş Assambleýasy tarapyndan üç gezek ykrar edilen hemişelik Bitaraplygymyzyň ähmiýeti, dünýäde parahatçylygy we ynanyşmagy üpjün etmäge gönükdirilen taryhy başlangyçlar giňden beýan edilýär. Şeýle hem onda ýurdumyzda ýeten belent sepgitlerimiziň, gazanan üstünliklerimiziň jemi jemlenýär. Şoňa görä-de, bu kitap mähriban halkymyza sowgat bolar” diýip, döwlet Baştutanymyz belledi.

Hormatly Prezidentimiz Serdar Berdimuhamedow Ministrler Kabinetiniň giňişleýin mejlisini jemläp, oňa gatnaşanlary hemişelik Bitaraplygymyzyň şanly 30 ýyllygy bilen ýene-de bir gezek tüýs ýürekden gutlady we hemmelere berk jan saglyk, abadançylyk, mähriban halkymyzyň bähbidine alyp barýan işlerinde uly üstünlikleri arzuw etdi.

***

Ministrler Kabinetiniň giňişleýin mejlisi tamamlanandan soňra, “Oguz han” köşkler toplumynda hormatly Prezidentimiz Serdar Berdimuhamedowa, şeýle hem Hökümet agzalaryna, ýurdumyzyň harby we hukuk goraýjy edaralarynyň ýolbaşçylaryna, welaýatlaryň häkimlerine «Türkmenistanyň Bitaraplygynyň 30 ýyllygyna» atly Türkmenistanyň ýubileý medalyny we ýadygärlik nyşanlar toplumyny gowşurmak dabarasy boldy.

Dabaranyň başynda milli parlamentiň ýolbaşçysy D.Gulmanowa Türkmenistanyň Mejlisiniň degişli kararyny okady.

Türkmenistanyň Garaşsyzlygyny, özygtyýarlylygyny we hemişelik Bitaraplyk hukuk ýagdaýyny berkitmekde, onuň halkara abraýyny hemişelik Bitaraplyk ýörelgelerine laýyklykda ýokarlandyrmakda, halkara gatnaşyklarda «Açyk gapylar» syýasatyny, «Dialog — parahatçylygyň kepili» taglymatyny baş ýörelge edinen ýurdumyzyň daşary syýasy ugruny, ata Watanymyzyň dünýä döwletleri we halkara guramalar bilen parahatçylykly, dostlukly, özara bähbitli gatnaşyklaryny ösdürmekde, türkmen Bitaraplygynyň syýasy, diplomatik, hukuk, ykdysady, durmuş-medeni, ynsanperwer mümkinçiliklerini durmuşa geçirmekde, sebitde we dünýäde parahatçylygy, howpsuzlygy, durnukly ösüşi üpjün etmäge gönükdirilen halkara başlangyçlary öňe sürmekde we durmuşa geçirmekde, Türkmenistanyň parahatçylyk we ynanyşmak syýasatynyň hukuk esaslaryny, onuň kadalaryny, esasy maksatlaryny, öňüni alyş diplomatiýasyny, ýurdumyzyň içeri hem-de daşary syýasatynyň ileri tutulýan ugurlaryny kanun arkaly berkitmekde goşan uly şahsy goşandyny, jemgyýetiň we döwletiň öňünde bitiren aýratyn hyzmatlaryny göz öňünde tutup, şeýle hem halk köpçüliginden, zähmet toparlaryndan, iri jemgyýetçilik birleşiklerinden, ýurdumyzyň raýatlaryndan gelip gowşan köp sanly teklipleriň esasynda, Halkara parahatçylyk we ynanyşmak ýylynda Halkara Bitaraplyk güni, Türkmenistanyň hemişelik Bitaraplygynyň 30 ýyllyk baýramy mynasybetli, Türkmenistanyň Konstitusiýasynyň 81-nji maddasyna, Türkmenistanyň Mejlisiniň kararyna laýyklykda, hormatly Prezidentimiz Serdar Berdimuhamedowa dabaraly ýagdaýda «Türkmenistanyň Bitaraplygynyň 30 ýyllygyna» atly Türkmenistanyň ýubileý medaly we ýadygärlik nyşanlar toplumy gowşuryldy.

Soňra Türkmenistanyň Mejlisiniň Başlygyna, Ministrler Kabinetiniň Başlygynyň orunbasarlaryna, harby we hukuk goraýjy edaralaryň ýolbaşçylaryna, welaýatlaryň häkimlerine «Türkmenistanyň Bitaraplygynyň 30 ýyllygyna» atly Türkmenistanyň ýubileý medalyny we ýadygärlik nyşanlar toplumyny gowşurmak dabarasy geçirildi.

Ministrler Kabinetiniň Başlygynyň orunbasary, daşary işler ministri R.Meredow dabara gatnaşyjylaryň, ýurdumyzyň diplomatik gullugynyň işgärleriniň adyndan hormatly Prezidentimizi döwlet sylagy hem-de Halkara Bitaraplyk güni we Türkmenistanyň hemişelik Bitaraplygynyň şanly 30 ýyllygy, şeýle hem döwlet Baştutanymyzyň “Türkmenistanyň Bitaraplygy — parahatçylygyň we ynanyşmagyň aýdyň ýoly” atly kitabynyň çapdan çykmagy bilen tüýs ýürekden gutlap, şeýle ajaýyp eserleriniň höwrüniň köp bolmagyny arzuw etdi. Wise-premýer, daşary işler ministri «Türkmenistanyň Bitaraplygynyň 30 ýyllygyna» atly Türkmenistanyň ýubileý medaly we ýadygärlik nyşanlar toplumy bilen sylaglanandyklary üçin döwlet Baştutanymyza tüýs ýürekden hoşallyk bildirip, Watanymyzyň mundan beýläk-de hemmetaraplaýyn ösdürilmegine, Gahryman Arkadagymyz tarapyndan başy başlanyp, Arkadagly Gahryman Serdarymyzyň baştutanlygynda üstünlikli amala aşyrylýan giň gerimli özgertmeleriň durmuşa geçirilmegine, dünýä bileleşigi tarapyndan ykrar edilen başlangyçlaryň amala aşyrylmagyna mynasyp goşant goşmak ugrunda geljekde hem ähli tagallalary etjekdiklerine ynandyrdy.

Soňra Döwlet howpsuzlyk geňeşiniň sekretary, goranmak ministri B.Gündogdyýew harby we hukuk goraýjy edaralaryň ähli şahsy düzüminiň adyndan Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy Serdar Berdimuhamedowy «Türkmenistanyň Bitaraplygynyň 30 ýyllygyna» atly Türkmenistanyň ýubileý medaly we ýadygärlik nyşanlar toplumy bilen sylaglanylmagy hem-de döwlet Baştutanymyzyň täze kitabynyň çapdan çykmagy mynasybetli tüýs ýürekden gutlap, iň gowy arzuwlaryny beýan etdi. Şeýle hem harby we hukuk goraýjy edaralaryň ýolbaşçylary döwlet sylaglarynyň gowşurylandygy üçin hormatly Prezidentimize hoşallyk bildirip, Watan goragçylarynyň öz öňlerinde goýlan jogapkärli wezipeleri üstünlikli ýerine ýetirmek üçin ähli tagallalary etjekdiklerine ynandyrdylar hem-de Watana ak ýürekden wepaly gulluk etjekdikleri barada kasam etdiler.

Hormatly Prezidentimiz gutlaglar we hoşniýetli arzuwlar üçin minnetdarlyk bildirip, Halkara parahatçylyk we ynanyşmak ýylynda Halkara Bitaraplyk güni mynasybetli özüne gowşurylan sylagy — «Türkmenistanyň Bitaraplygynyň 30 ýyllygyna» atly ýubileý medalyny halkymyza gowşurylan sylag hökmünde kabul edýändigini aýtdy.

Dabaranyň ahyrynda hormatly Prezidentimiz hemmeleri ýene-de bir gezek hemişelik Bitaraplygymyzyň 30 ýyllyk baýramy, şeýle hem gowşurylan döwlet sylaglary bilen gutlap, eziz Watanymyzyň mundan beýläk-de gülläp ösmegi ugrunda alyp barýan işlerinde uly üstünlikleri arzuw etdi.

2025-nji ýylyň 3-nji dekabrynda Türkmenistanyň Daşary işler ministri Raşid Meredow bilen Somali Federatiw Respublikasynyň Daşary işler we halkara hyzmatdaşlyk ministri Abdisalam Abdi Ali telefon arkaly söhbetdeşlik geçirdiler. Bu barada Türkmenistanyň DIM-niň web-saýtynda habar berilýär. 

Söhbetdeşler iki döwletiň halkara guramalarynyň, ilkinji nobatda Birleşen Milletler Guramasynyň çäklerinde hyzmatdaşlygyny ara alyp maslahatlaşdylar. Türkmenistanyň we Somaliniň ählumumy parahatçylyk we durnukly ösüş meselelerine bolan çemeleşmeleriniň meňzeşligi bellenildi.

Söhbetdeşligiň çäklerinde şu ýylyň 12-nji dekabrynda Aşgabatda geçiriljek Halkara parahatçylyk we ynanyşmak forumyna taýýarlyk meselesine aýratyn orun berildi. Forum Halkara parahatçylyk we ynanyşmak ýylyna, Türkmenistanyň hemişelik Bitaraplygynyň 30 ýyllygyna hem-de Halkara bitaraplyk gününe bagyşlanyp geçiriler.